Hebrơ 11:12 - Sră Goh 2018

¹² Tài bơh hơ̆, kung bơh dô nă cau sền be neh chơt, mơya tơnggơs gal ngan be ală sơmañ hơ trồ, be bràs di gah dàlềng cau ò rgơi kòp.

Hebrơ 11:12 Referans Kwoze

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 32:12

Mơya Kơnràñ neh đơs lah: ‘Ngan behơ̆, Añ rơp ai bơta lơngai mê in, mơ lơh jơi bơtiàn mê in oă be bràs dàlềng, cau ò jai kòp tài bơh oă ir.’”

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Sơnròp Gơlik Gơs 15:5

Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.”

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Yal Tơlik 20:8

gen gơlik lòt nàng pơrlồm ală làng bol ơm tòm poan đah plai ù, hơ̆ la Got mơ Magot, nàng pơjum bol khai tồ tòmlơh; ntum khà bol khai dê be bràs dàlềng.

Esai 10:22

Ơ Israel, bulah làng bol mê dê be bràs di gah dàlềng, mìng ală cau gam wơl bol khai dê rơp rê wơl. Bơta tơnroh neh lơh nền, gơtras làm jơh mơ bơta song ring.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Nehemi 9:23

Kơnràñ kung neh bơtơl kòn sau bol khai gơs oă be sơmañ hơđang trồ, mơ neh jun bol khai mut tòm lơgar mơ Kơnràñ neh ho ai mò pàng in lơh gơs phan jơtài.

I Yal Yau 27:23

Dabit ò cih khà ală cau klau gơs bàr jơt sơnam hala dềt rlau, tài bơh Yàng Jehôwa neh ho lơh ntum khà cau Israel gơlik gơs gal ngan kung be ală sơmañ hơđang trồ.

I Ală Bơtau 4:20

Làng bol Juda mơ Israel la gal ngan kung be bràs di gah dàlềng, bol khai ñô sa mơ ơm lơngai.

II Samuel 17:11

Gen añ bơyai mơ ồng lah: Lòi tĕ jơh ală Israel, bơh Dan tus Beerseba, gal ngan kung be bràs di gah dàlềng, pơjum bal mơ ồng mơ gơs să tòm ồng lam bol khai lòt tòmlơh.

I Samuel 12:5

Samuel đơs mơ bol khai lah: “Dan Yàng Jehôwa lơh cơng tòmdră mơ bol mê, mơ cau geh bong mơñà Kơnràñ dê lơh cơng tòm ngai do la bol mê ò bàn phan lơi tòm tê añ.” Bol khai đơs lah: “Dan Kơnràñ lơh cơng.”

Ală Kwang Cahrña 7:12

Làng bol Midian, làng bol Amalek bal mơ ală làng bol bơh đah mattơngai lik ơm tòm thòng gal ngan gơlơh kung be srah nting. Làkđa bol khai dê oă ò git nđò, ò rgơi kòp kung be bràs di gah dàlềng.

Jôsue 11:4

Bol khai lik lòt bal mơ jơh ală mpồl ling dờng bol khai dê, khà gal ngan be bràs di gah dàlềng, bal mơ oă ngan ơseh mơ rơndeh lòs tòmlơh.

Yal Wơl 28:62

Bol mê la làng bol gơs ntum khà cau gal ngan kung be ală sơmañ hơđang trồ, bol mê rơp gam wơl khà mìng dô êt lơm, tài bơh bol mê ò dòn bơr Jehôwa Yàng Tom Trồ bol mê dê.

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Habakuk 1:9

Jơh ală bol khai tus nàng lơh bơta iơh bơsak. Ală mpồl bol khai lòt hơđap kung be càl tòm ƀlàng bràs, mơ pơjum tơrgòm ală cau ơm jàm kung be bràs.