Hebrơ 10:6 - Sră Goh 2018

⁶ Yàng kung ò niam nùs di phan ơn chu pơrguc mơ phan ơn tơwài glài.

Hebrơ 10:6 Referans Kwoze

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Hebrơ 10:4

bơh mhàm kơnrồ dam mơ be dam dê ò rgơi tă sang tồi glài.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.