Hebrơ 10:12 - Sră Goh 2018

¹² Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

Hebrơ 10:12 Referans Kwoze

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Kôlôse 3:1

Behơ̆ dilah oh mi neh geh kis wơl bal mơ Bơtau Krist, gen jòi jat tĕ ală bơta hơđang trồ, la tiah Bơtau Krist nggui đah ma Yàng Tom Trồ.

Rôma 8:34

Ñcau rơp lơh nền glài bol khai taih? Yàng Krist Jesu la Bơtau neh chơt mơ ngan neh kis wơl bơh bơta chơt; Kơnràñ nggui đah ma Yàng Tom Trồ mơ hòi dan ala bol he in.

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

Hebrơ 8:1

Tòm ală bơta bol he đơs bơh nti, bơta dờng màng la be do: Bol he gơs dô nă cau gơnoar dờng lam bồ ơn phan duh khoai behơ̆, neh nggui đah ma sơbàn Bơtau ryŭ ryơm hơđang ală tap trồ,

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Hebrơ 5:1

Kòp nă cau gơnoar dờng lam bồ ơn phan duh khoai geh sac bơh digùl jơi kòn mơnus, mơ geh pồ bơtào bơh jơi kòn mơnus nàng duh broă Yàng Tom Trồ, tồ ơn phan pơdơng mơ phan ơn duh khoai bơh tồi glài.

Hebrơ 5:3

Mơ tài bơh să tòm khai la lơbơn lơño, khai pal ơn phan duh khoai bơh tồi glài să tòm khai dê, kung be bơh tồi glài làng bol dê sơl.

Hebrơ 7:27

Kơnràñ ò di be ală cau gơnoar dờng lam bồ ơn phan duh khoai ne, la cau kòp ngai pal ơn phan duh khoai tài bơh glài bol khai dê, tơnơ̆ bơh glài làng bol dê; bơh Kơnràñ neh lơh broă hơ̆ dô dơ̆ tơl rau, tòm tŭ Kơnràñ ơn să tòm Kơnràñ.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.