Hebrơ 10:10 - Sră Goh 2018

¹⁰ Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

Hebrơ 10:10 Referans Kwoze

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 10:12

Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

Hebrơ 7:27

Kơnràñ ò di be ală cau gơnoar dờng lam bồ ơn phan duh khoai ne, la cau kòp ngai pal ơn phan duh khoai tài bơh glài bol khai dê, tơnơ̆ bơh glài làng bol dê; bơh Kơnràñ neh lơh broă hơ̆ dô dơ̆ tơl rau, tòm tŭ Kơnràñ ơn să tòm Kơnràñ.

Jang 17:19

Añ bơh bol khai mơ ơn is să Añ jê nàng bol khai in gơlik gơs sàng goh tòm jơnau song.

Hebrơ 13:12

Tài bơh hơ̆, tàng Yàng Jesu kung neh kong bòl glar jê sồt hơ bơdìh mpồng ƀòn nàng ai mhàm Kơnràñ dê lơh làng bol in gơlik gơs sàng goh.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

Hebrơ 10:20

bơh gùng pa mơ kis Kơnràñ neh pò bol he in lòt gan hơ kơrnìng, hơ̆ la lòt gan di să jan Kơnràñ dê;

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

I Jang 5:6

Yàng Jesu Krist la Bơtau neh ai dà mơ mhàm mơ lòt tus; ò di mìng ai dà lơm ò, mơya ai dà mơ mhàm;

Jang 19:34

Bulah behơ̆ gơs dô nă cau ling ai tà hwit di wĕ Kơnràñ, gen gơlik mo mhàm mơ dà.

Hebrơ 2:11

Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,

Hebrơ 10:5

Behơ̆ tàng, tòm tŭ Bơtau Krist lòt tus tòm dunnia, gen đơs lah: “Yàng ò kòñ phan ơn duh khoai mơ phan ơn, Mơya Kơnràñ neh rcang sir Añ in dô nơm să jan rau.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.