Hebrơ 1:8 - Sră Goh 2018

⁸ Mơya tòm tŭ đơs bơh Kòn gen Kơnràñ đơs lah: “Ơ Yàng Tom Trồ, sơbàn Yàng dê gam sùm sùm ò lồi. Gai gơnoar at bồ lơgar Yàng dê la gai gơnoar at bồ song ring.

Hebrơ 1:8 Referans Kwoze

Jang 10:30

Añ mơ Bèp la dùl.”

Rôma 9:5

bol khai la kòn sau neh gơs ală ồng pàng cau Hebrơ màng ryŭ, mơ jat đah poac să bơh làng bol hơ̆ tơnggơs Bơtau Krist, dan Yàng Tom Trồ la Bơtau at bồ hơđang jơh ală bơta, pal geh jòng ro gam sùm sùm. Amen.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

I Kôrintô 15:25

Bơh Kơnràñ pal at bồ jơl tus di tŭ Yàng Tom Trồ “ơn jơh ală cau sò tơm hơđơm mpàng jơng Kơnràñ dê.”

Jang 20:28

Thôma ho lah: “Khoai Yàng añ mơ Yàng Tom Trồ añ!”

Sră Ôse 1:7

Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

Đơs Crih 99:4

Ơ Bơtau at bồ gơs gơnap gơnoar, la Bơtau kòñ gơboh di bơta song ngan, Kơnràñ neh bơtào kơ̆ bơta ring bal; Kơnràñ neh lơh jat bơta song ngan mơ bơta song ring tòm Jakôp.

Yal Wơl 2:37

Mơya jat be jơnau gơnoar sồr Jehôwa Yàng Tom Trồ bol hi dê, bol mê ò di tus rềp di ù tiah lơi gơrê bal mơ cau Ammôn, kung ò di tus rềp di lơgar ơm rò gah hiòng Japbok hala ù tiah gùt dar ală ƀòn dờng ơm hơđang ală kơh mơnơm.”

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Jang 10:33

Ală cau Juda ho lah: “Bol hi ò cơm lŭ di ồng tài bơh broă niam, mơya bơh jơnau đơs tràl sơrbil; ồng la kòn mơnus mơ bơtào is să he la Yàng Tom Trồ.”

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Jeremi 38:15

Gen Jeremi ho mơ bơtau Jedekia lah: “Dilah añ yal bơtau in bơta hơ̆, gen bơtau ngan ò tơnchơt añ ơ? Mơ dilah añ tơngkah bơtau, ngan bơtau kung ò iat añ ò.”

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Đơs Crih 72:7

Tòm rài bơtau hơ̆ dê, dan ai bơta song ring sơlo geh pò ơnàng, Mơ bơta ring lơngai geh tơngkah tơngkañ, jơl tus di mat kơnhai ò gam tai.

Yal Wơl 7:14

Bol mê rơp geh lơngai rlau mơ jơh ală làng bol ndai; ò gơs cau klau cau ùr lơi tòm bol mê rơp ò gơs kòn, ală phan poan jơng tòm ală mpồl bol mê dê kung rơp ò siơ̆u ală kòn dềt.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

Luka 1:75

Tòm bơta sàng goh mơ song ring di đap Kơnràñ jơl jơh rài bol he.