Galati 6:3 - Sră Goh 2018

³ Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

Galati 6:3 Referans Kwoze

Jơnau Pơnđik 26:12

Kòn neh gŏ cau lơi jak chài jat mat khai sơl? Gam gơs bơta gơn kơnòm cau tùl gơla in rlau mơ khai.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

I Kôrintô 8:2

Dilah cau lơi kơlôi khai git bơta lơi, ngan cau hơ̆ òhềt git kung be khai pal git.

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

II Kôrintô 3:5

Ò di să tòm bol he gơs tơl bơta chài rgơi is nàng kơlôi broă lơi gơlik bơh bol hi, mơya bơta chài rgơi bol hi dê tus bơh Yàng Tom Trồ.

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

Rôma 12:16

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

Luka 18:11

Cau Pharisi ntào hòi dan òm be do: ‘Khoai Yàng Tom Trồ, añ ưnngài Kơnràñ bơh añ ò di be cau ndai, sa kwà, ò song ring, rềs àr bơrnàn, kung ò di be cau dar dia ne.

Jakơ 1:22

Lơh jat tĕ jơnau Yàng, bañ mìng iat lơm mơ pơrlồm să he.

Jơnau Pơnđik 25:14

Cau lơi jòng să phan ơn he òhềt ơn, ò gơkrơi be mhwal gơs càl, mơ ò gơs mìu.

Jakơ 1:26

Dilah gơs cau lơi kơlôi lah he dòn jat jơnau song, mơ ò at bồ lơmpiat he mơya pơrlồm is nùs he, gen bơta dòn jơnau song cau hơ̆ dê la ò kwơ.

II Timôthe 3:13

Mơya ală cau iơh bơsak mơ cau ma blac gen sơlo gơlik iơh tai, pơrlồm cau ndai mơ bol khai kung kòl cau ndai pơrlồm sơl.

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

Galati 2:6

Ai ală cau neh geh sền be la dờng màng (lài òr bol khai la cau be lơi, gen ò gơs bơta lơi gơwèt mơ añ: Yàng Tom Trồ ò di sền òsơp di cau lơi), añ đơs ngan, ală cau dờng màng hơ̆ kung ò dong bơtơl añ in dô êt bơta lơi.

Broă 5:36

Lài òr gơs Theuda bơtào tơngguh, sơnđan is să khai la cau dờng màng, gơs pơgap poan rhiang nă cau jat khai; mơya khai kong cau tơnchơt, mơ jơh ală cau jat khai gen gơprah gơpring jơh, mơ gơlik gơs roh lơm.

Galati 2:9

gen Jakơ, Sepha, Jang, la ală cau neh geh sền be ală cau gơnoar lam bồ, mơ bol khai git đal bơta nđàc neh ai añ in, at tê ma mơ añ bal mơ Banaba nàng gơs bơta tòmklac bal, tồ bol hi in lòt tus hơ làng bol bơdìh, ai bol khai gen lòt tus hơ ală cau siat gơltau.