Galati 5:1 - Sră Goh 2018

¹ Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

Galati 5:1 Referans Kwoze

II Kôrintô 3:17

Yàng la Yàng Hwềng; Yàng Hwềng Yàng dê ơm tiah lơi, gen bơta khat gơboh kung ơm tềng hơ̆ sơl.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

I Pier 2:16

Lơh lòt tĕ be cau khat gơboh, mơ bañ ngui bơta khat gơboh hơ̆ lơh kơrnìng kìng bơta iơh bơsak, mơya pal lơh lòt be cau dĭ gơna Yàng Tom Trồ dê.

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

Hebrơ 10:23

Bol he pal prap kơ̆ bơta gơn kơnòm mơ bol he neh gơs nàng gơ ò lơnggơr, bơh Yàng Tom Trồ neh ho pơgon la Bơtau lơh jat jơnau ho Kơnràñ dê.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

Galati 4:31

Behơ̆, ơ oh mi, bol he ò di la kòn sau cau ùr dĭ dê, mơya la kòn sau cau ùr tòm dê.

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.

II Pier 2:19

Bol khai ho ai bơta khat gơboh cau in, mơya să tòm bol khai la dĭ gơna bơta ồm lề dê; bơh cau lơi kòl bơta lơi at bồ, gen cau hơ̆ la dĭ gơna bơta hơ̆ dê.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Rôma 7:6

Mơya tòm tŭ do bol he neh geh lik klàs bơh bơta boh lam, mơ neh chơt gơwèt hơ bơta neh krơ̆ jàm bol he, nàng duh broă jat bơta pa Yàng Hwềng dê, ò di jat jơnau cih yau ò.

Rôma 6:18

Behơ̆ oh mi neh geh hồ toh lik klàs bơh tồi glài, gen neh gơlik gơs dĭ gơna bơta song ring dê rau.

Esai 61:1

Hwềng Jehôwa Yàng Tom Trồ dê ơm hơđang Añ, tài bơh Yàng Jehôwa neh bong mơñà Añ in; Kơnràñ sồr Añ lòt tus nàng yal jơnau niam ală cau kong rồn bơklơn in, nàng pùt wơl ală nùs bơcah lề, nàng yal tơnggit bơta khat gơboh ală cau kong kup cèng in, mơ bơta hồ toh ală cau ơm jàm in,

Broă 15:10

Behơ̆ tŭ do, ñchi bơh tài oh mi khin lòng Yàng Tom Trồ, tơntui ală cau dòn in yô mơ ồng pàng bol he hala să tòm bol he kung ò jai tui?

I Kôrintô 7:22

Bơh cau ơm dĭ mơ geh Yàng hòi sac, gen hơ̆ la cau Yàng neh hồ toh; kung behơ̆ sơl, cau ơm khat gơboh mơ geh hòi sac, gen hơ̆ la dĭ gơna Bơtau Krist dê.

Đơs Crih 51:12

Dan ai wơl añ in bơta hòn chò bơh bơta dong klàs Kơnràñ dê, Mơ ai añ in hwềng nùs dờng ơnàng mơ yò đo añ.

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Ephesô 6:14

Behơ̆ gen ntào kơ̆ tĕ, kơt but mơ jơnau song, soh ào lòs la bơta song ring,

Yal Tơlik 2:25

mìng bol mê kơrmap kơ̆ ală bơta bol mê neh gơs jơl tus dê tŭ Añ tus.

Hebrơ 4:14

Behơ̆ tàng, bơh bol he gơs cau gơnoar dờng lam bồ ơn phan duh khoai neh lòt gan ală tap trồ, hơ̆ la Yàng Jesu Kòn Yàng Tom Trồ dê, gen bol he pal prap kơ̆ jơnau bol he neh dòn dòp.

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.

II Tesalônika 2:15

Behơ̆ tàng, ơ oh mi, ơm kơ̆ tĕ, prap gàr kơ̆ tĕ ală jơnau bol hi neh bơto sồr oh mi in, ƀà mơ jơnau đơs, ƀà mơ sră pơyoa bol hi dê.

I Tesalônika 3:8

Bơh tòm tŭ do ngan bol hi kis, dilah oh mi ntào kơ̆ tòm Yàng.

Galati 4:26

Mơya Jerusalem ơm hơđang jòng la ƀòn khat gơboh, hơ̆ la mè bol he dê.

Galati 3:25

Mơya tŭ do bơta dòn neh tus, bol he ò tai ơm tòm gơnoar cau bơto hơ̆ tai.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

Mathiơ 23:4

Bol khai kơt mơ dap ală phan àñ kơnjơ̆ hơđang pơnì cau; mơya să tòm bol khai ò bài ƀư mơ ràs tê.

Rôma 7:3

Behơ̆ gen tòm tŭ bau klau gam kis, dilah cau ùr bau mơ cau klau ndai, gen sơnđan khai la cau ùr bơrnàn; mơya dilah bau klau neh chơt rau, gen cau ùr geh lik klàs bơh bơta boh lam hơ̆ rau, bulah bau mơ klau ndai gen ò di la cau ùr bơrnàn.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

Luka 5:38

Mơya tơrnòm pa pal tròc tòm nhồng gơltau pa.