Galati 4:5 - Sră Goh 2018

⁵ nàng tơwài ală cau ơm tòm gơnoar bơta boh lam dê, tồ bol he in geh kòp la kòn klau kòn ùr Kơnràñ dê.

Galati 4:5 Referans Kwoze

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Ephesô 1:5

Bơh bơta kòñ gơboh, Kơnràñ neh lơh nền lài bol he in kơnòm di Yàng Jesu Krist nàng geh kòp la kòn klau kòn ùr, jat be nùs kòñ niam Kơnràñ dê,

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

Hebrơ 9:12

Kơnràñ kung ò ngui mhàm ală be dam mơ kơnrồ kòn dê, mơya ngui mhàm să tòm Kơnràñ dê mơ lòt tus hơ tiah sàng goh ngan dô dơ̆ tơl rau, lơh gơs bơta tơwài glài gam sùm sùm.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Rôma 8:23

ò di mìng ală phan tòm trồ tiah lơm, bol he la cau gơs Yàng Hwềng be bơta nđàc sơnròp ngan Yàng Tom Trồ dê, kung rac ròc tòm nùs, tòm tŭ kơp gơn Yàng Tom Trồ kòp bol he la kòn ròng Kơnràñ dê mơ bơta hồ toh să jan bol he dê.

Galati 4:7

Behơ̆ gen mê ò di la dĭ gơna tai, mơya la kòn klau kòn ùr, gen kung la cau pơrdòn bơh Yàng Tom Trồ sơl.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Galati 4:21

Yal tĕ añ in git, ơ ală cau kòñ ơm tòm gơnoar bơta boh lam dê, oh mi ò kơno bơta boh lam sơl ơ?

Luka 1:68

“Jòng ro Yàng la Yàng Tom Trồ Israel dê, Bơh Kơnràñ neh nđàc sền mơ lơh gơs bơta tơwài glài làng bol Kơnràñ dê,

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

Yal Tơlik 14:3

Bol khai đơs chò dô bơta đơs chò pa di đap sơbàn, di đap poan nơm phan wìn kis mơ ală cau kwang kra. Ò gơs cau lơi rgơi bơtê bơta đơs chò hơ̆, mìng dô rhiang poan jơt poan rbô nă cau git lơm, hơ̆ la cau neh geh tơwài klàs bơh dunnia.

Rôma 8:14

Bơh jơh ală cau lơi gơs Hwềng Yàng Tom Trồ dê tề lam hơ̆ la kòn Yàng Tom Trồ dê.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Rôma 10:4

bơh Bơtau Krist la bơta lồi dut bơta boh lam dê, nàng kòp nă cau dòn geh kòp la song ring.