Galati 2:6 - Sră Goh 2018

⁶ Ai ală cau neh geh sền be la dờng màng (lài òr bol khai la cau be lơi, gen ò gơs bơta lơi gơwèt mơ añ: Yàng Tom Trồ ò di sền òsơp di cau lơi), añ đơs ngan, ală cau dờng màng hơ̆ kung ò dong bơtơl añ in dô êt bơta lơi.

Galati 2:6 Referans Kwoze

Galati 2:2

Añ neh lòt jat jơnau yal tơlik Yàng Tom Trồ dê mơ guh tềng hơ̆. Tòm bơta tìp is mơ ală cau gơnoar bơto dờng añ ràng tơlik bol khai in Jơnau Niam mơ añ neh bơto yal làng bol bơdìh in. Añ ò kòñ broă lơh añ jê lài òr mơ tŭ do gơlik gơs ò kwơ.

Broă 10:34

Pier pò bơr mơ đơs lah: “Ngan añ đal git Yàng Tom Trồ ò di sền òsơp di cau lơi ò,

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

Galati 6:3

Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

II Kôrintô 11:5

Mơya añ kơlôi lah añ ò di gơhuc mơ ală cau gơnoar bơto dờng màng ryŭ hơ̆ dô êt lơi.

Rôma 2:11

Bơh Yàng Tom Trồ ò sền òsơp di cau lơi.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Luka 20:21

Bol hơ̆ lùp Kơnràñ lah: “Ơ Cau Bơto, bol hi git ồng đơs mơ bơto song lơm, ò rngòt di cau lơi, mơya bơto gùng Yàng Tom Trồ dê dô bă song ngan.

Jơnau Niam Jat Mak 12:14

Behơ̆ ală cau hơ̆ lòt tus, đơs mơ Kơnràñ lah: “Ơ Cau Bơto, bol hi git ồng la cau đơs jơnau song, ò ơn nùs gơwèt hơ bơta kơlôi cau ndai dê. Bơh ồng ò sền đah bơdìh cau dê mơya bơto gùng Yàng Tom Trồ dê dô bă song ngan; behơ̆ boh dia bơtau in la tòm toh mơ bơta boh lam sơl? Bol hi pal boh dia hala ò taih?”

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Sră Jop 34:19

Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Broă 5:36

Lài òr gơs Theuda bơtào tơngguh, sơnđan is să khai la cau dờng màng, gơs pơgap poan rhiang nă cau jat khai; mơya khai kong cau tơnchơt, mơ jơh ală cau jat khai gen gơprah gơpring jơh, mơ gơlik gơs roh lơm.