Galati 2:5 - Sră Goh 2018

⁵ Bol hi ò bài alah di bol khai dô êt lơi, dô êt kung ò sơl, tồ jơnau song Jơnau Niam dê geh ơm kơ̆ wền tòm oh mi.

Galati 2:5 Referans Kwoze

Galati 4:16

Añ ai jơnau song đơs mơ oh mi, gen añ gơlik gơs cau sò tơm di oh mi sơl ơ?

Galati 2:14

Mơya dơ̆ añ gŏ bol khai ò lòt song jat jơnau song Jơnau Niam dê, gen añ đơs mơ Sepha di đap jơh ală cau lah: “Dilah bi la cau Juda mơ lơh lòt be cau làng bol bơdìh, mơ ò lơh lòt be cau Juda, gen mbe bi bơklơn cau làng bol bơdìh pal lơh lòt be cau Juda taih?”

Kôlôse 1:5

tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

Broă 15:2

Tŭ hơ̆, gơs bơta ò dô nùs bal mơ bơta tòm pơndang oă ngan gơlik gơs digùl Pol mơ Banaba bal mơ ală cau hơ̆. Gen tàng Pol mơ Banaba bal mơ dô êt cau tòm mpồl bol hơ̆ geh sac rwah guh hơ Jerusalem, lòt tus hơ ală cau gơnoar bơto dờng mơ ală cau kwang kra nàng lùp bơh broă do.

Galati 1:6

Añ ai lơh krơi bơh oh mi neh sơrbac sơrbang sang Bơtau neh hòi sac oh mi bơh bơta nđàc Bơtau Krist dê, nàng jat jơnau niam ndai.

Nehemi 6:4

Bol khai pơyoa añ in tòm poan dơ̆ kung jơnau hơ̆, ai añ ho wơl bol khai kung ndròm behơ̆ sơl.