Galati 2:4 - Sră Goh 2018

⁴ Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

Galati 2:4 Referans Kwoze

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Galati 5:1

Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

Galati 4:3

Bol he kung behơ̆ sơl: Tòm tŭ gam dềt gen neh lơh gơs dĭ bơta ƀă liă dunnia dê.

II Kôrintô 11:26

oă lòt gùng, sơbơng rơng hơđang ală hiòng, sơbơng rơng mơ ală cau phà kơñau, sơbơng rơng mơ làng bol tòm, sơbơng rơng mơ làng bol bơdìh, sơbơng rơng tòm ƀòn dờng, sơbơng rơng tòm ƀlàng bràs, sơbơng rơng hơđang dàlềng, sơbơng rơng mơ ală oh mi ma blac;

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

II Pier 2:19

Bol khai ho ai bơta khat gơboh cau in, mơya să tòm bol khai la dĭ gơna bơta ồm lề dê; bơh cau lơi kòl bơta lơi at bồ, gen cau hơ̆ la dĭ gơna bơta hơ̆ dê.

II Timôthe 3:6

Tòm mpồl bol khai gơs cau ƀà mut òm tòm ală hìu, kup bơklơn ală cau ùr gơla àñ bềng tồi glài, gơkòl ală bơta jat nùs hàm kòñ is chồl bơtrut,

Galati 5:10

Gơwèt mơ oh mi, añ gơs nùs dòn nền tòm Yàng lah oh mi ò gơs nùs kơlôi is ndai; mơya cau lơh dơrcul oh mi, ò git la cau lơi, gen cau hơ̆ rơp kong lơh glài.

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

II Kôrintô 11:13

Bơh ală cau hơ̆ la cau gơnoar bơto ma blac, la cau lơh broă pơrlồm, lơh tànggơ be cau gơnoar bơto dờng Bơtau Krist.

II Kôrintô 3:17

Yàng la Yàng Hwềng; Yàng Hwềng Yàng dê ơm tiah lơi, gen bơta khat gơboh kung ơm tềng hơ̆ sơl.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Broă 15:24

Bơh bol hi neh kơno lah gơs cau ƀà tòm bol hi bulah ò dòp gơnoar lơi bơh bol hi neh đơs ală bơta lơh sơlồng sơlàng mơ lơh dơrcul nùs oh mi.

Broă 15:1

Gơs ală cau tus bơh Jude, bơto ală cau dòn lah: “Dilah oh mi ò bài kong siat gơltau jat bơta boh lam Môise dê, gen ò rgơi geh dong klàs.”

Esai 51:23

Añ rơp ơn mơngàn hơ̆ tòm tê ală cau lơh bòl glar jê sồt di bol mê, hơ̆ la ală cau đơs mơ bol mê lah: ‘Bic tĕ hơđơm nàng bol hi lòt hơđang bol mê.’ Mơ bol mê neh lơh ngkòi bol mê dê gơlik gơs be ù, mơ kung be gùng bol khai in lòt hơđang.”

I Pier 2:16

Lơh lòt tĕ be cau khat gơboh, mơ bañ ngui bơta khat gơboh hơ̆ lơh kơrnìng kìng bơta iơh bơsak, mơya pal lơh lòt be cau dĭ gơna Yàng Tom Trồ dê.

Galati 4:25

Agar hơ̆ la mơnơm Sinai tòm lơgar Arabi, kung ò gơkrơi be Jerusalem tòm tŭ do, ƀòn hơ̆ bal mơ kòn sau gơ dê lơh gơs dĭ gơna.

II Kôrintô 11:17

Bơta añ đơs do añ ò di đơs jat be Yàng sồr, mơya jat be cau tùl gơla kơnòm di să tòm he mơ jòng să.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Đơs Crih 119:45

Añ rơp cơnđòa lòt khat gơboh, Bơh añ neh jòi jat ală jơnau sồr Yàng dê.

Đơs Crih 51:12

Dan ai wơl añ in bơta hòn chò bơh bơta dong klàs Kơnràñ dê, Mơ ai añ in hwềng nùs dờng ơnàng mơ yò đo añ.

Galati 1:7

Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

Luka 5:38

Mơya tơrnòm pa pal tròc tòm nhồng gơltau pa.