Galati 1:8 - Sră Goh 2018

⁸ Mơya bulah bol hi hala cau gơnrơh bơh đang trồ bơto yal oh mi in dô nơm jơnau niam lơi ndai, krơi is mơ Jơnau Niam bol hi neh bơto yal oh mi in, gen cau hơ̆ pal gơkòl srat rma!

Galati 1:8 Referans Kwoze

Galati 1:9

Bol hi neh đơs rau, do añ đơs dô dơ̆ tai: Dilah cau lơi bơto yal oh mi in dô nơm jơnau niam lơi ndai, krơi is mơ Jơnau Niam oh mi neh dòp hơ̆, gen cau hơ̆ pal gơkòl srat rma.

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

Rôma 9:3

Bơh añ kơp kòñ lah dilah să tòm añ rgơi kong srat sơntơm, sang tơlik bơh Bơtau Krist, gen añ kung kong sơl, tài bơh oh mi gơp bơtiàn añ đah poac să,

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

Broă 23:14

Bol khai lòt tus hơ ală cau gơnoar lam bồ ơn phan duh khoai mơ ală cau kwang kra mơ đơs lah: “Bol hi srat să bal lah ò sào sa jơl tus di tŭ geh tơnchơt Pol.

Sră Pơyoa Pol Dê Pơyoa Tit In 3:10

Tơnơ̆ mơ tŭ neh bơto kràñ cê bàr pe dơ̆ cau cah is mpồl in rau, gen pleh tĕ bơh di khai,

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

I Kôrintô 12:3

Tài bơh hơ̆ añ yal oh mi in git lah ò gơs cau lơi bơh Yàng Hwềng Yàng Tom Trồ dê tề lam mơ đơs lah: “Jesu pal srat sơntơm;” mơ kung ò gơs cau lơi đơs lah; “Jesu la Yàng,” dilah ò bơh Yàng Hwềng Goh tề lam.

Jơnau Niam Jat Mak 14:71

Mơya khai srat rma mơ srat să lah: “Añ ò git cau mơ bol mê đơs hơ̆.”

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

I Samuel 26:19

Tŭ do, dan cau tòm añ jê la bơtau ơm iat ală jơnau cau duh broă bơtau dê. Dilah Yàng Jehôwa neh chồl bơtrut bơtau tòmdră mơ añ, gen dan Kơnràñ dòp dô nơm phan ơn. Mơya dilah hơ̆ la kòn mơnus neh lơh bơta hơ̆, dan bol khai kòl srat rma di đap Yàng Jehôwa! Bơh bol khai neh bơtrơh tơlik añ ngai do bơh di pơnah añ jê tòm sre brê Yàng Jehôwa dê. Bol khai đơs lah: ‘Lòt tĕ, duh broă ală yàng ndai.’

Jôsue 9:23

Tŭ do bol mê gơkòl srat rma. Bol mê pal gơs cau koh lòng ơnòng dà tòm hìu Yàng Tom Trồ añ jê sùm sùm.”

Sơnròp Gơlik Gơs 9:25

Gen đơs lah: “Kanaan pal kong srat sơntơm! Khai rơp lơh gơs cau dềt rhền rlau jơh tòm ală cau dĭ oh mi khai dê.”

I Ală Bơtau 13:18

Gen cau hơ̆ đơs tai lah: “Añ kung la dô nă cau gơnoar hwơr be mê, mơ cau gơnrơh Yàng Jehôwa dê neh đơs mơ añ lah: ‘Cèng tĕ khai mut tòm hìu bal mơ mê, nàng khai in sa ƀañ mơ hùc dà.’” Mơya cau hơ̆ đơs pơrlồm khai.

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 23:36

Tŭ hơ̆ bañ đơs ‘Ơnòng kơnjơ̆ Yàng Jehôwa dê tai;’ bơh jơnau đơs kòp nă cau dê rơp la dô nơm ơnòng kơnjơ̆ khai dê, bơh bol mê neh lơh tìs ală jơnau đơs Yàng Tom Trồ kis gam sùm dê, Yàng Jehôwa Gơnap Gơnoar, Yàng Tom Trồ bol he dê.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.