Galati 1:7 - Sră Goh 2018

⁷ Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Galati 1:7 Referans Kwoze

Broă 15:24

Bơh bol hi neh kơno lah gơs cau ƀà tòm bol hi bulah ò dòp gơnoar lơi bơh bol hi neh đơs ală bơta lơh sơlồng sơlàng mơ lơh dơrcul nùs oh mi.

Galati 5:10

Gơwèt mơ oh mi, añ gơs nùs dòn nền tòm Yàng lah oh mi ò gơs nùs kơlôi is ndai; mơya cau lơh dơrcul oh mi, ò git la cau lơi, gen cau hơ̆ rơp kong lơh glài.

II Kôrintô 11:13

Bơh ală cau hơ̆ la cau gơnoar bơto ma blac, la cau lơh broă pơrlồm, lơh tànggơ be cau gơnoar bơto dờng Bơtau Krist.

Galati 5:12

Kơp kòñ lah ală cau lơh dơrcul oh mi, bol khai rơp koh is să tòm bol khai dê la niam rlau!

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

Yal Tơlik 20:3

Mơ sơrbì gơtòm brong jrô hùt hung, til mpồng, mơ tap ƀang kì, tồ gơ in ò geh lòt pơrlồm ală làng bol tai, jơl tus di dô rbô nam neh lồi rau. Tơnơ̆ mơ hơ̆ pal hồ gơtòm dô êt jŏ.

II Jang 1:10

Dilah cau lơi lòt tus hơ oh mi mơ ò cèng bơta bơto sồr hơ̆, gen bañ rò khai mut tòm hìu, mơ bañ lùp còp khai;

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.

Yal Tơlik 2:6

Bulah behơ̆, mê gam gơs bơta do: hơ̆ la mê gơjrañ kơuềng di ală broă mpồl Nikôla dê, mơ Añ kung gơjrañ kơuềng di ală broă bol khai dê sơl.’

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

II Jang 1:7

Bơh neh gơs oă cau blac pơrlồm lik lòt tòm dunnia, la cau ò dòp Yàng Jesu Krist ai poac mhàm mơ lòt tus; hơ̆ la cau blac pơrlồm mơ la cau sòdră di Bơtau Krist.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

II Timôthe 2:18

bol khai neh tìs di gùng jơnau song, mơ đơs lah bơta kis wơl neh rlau rau, mơ lơh gơprah bơta dòn cau ƀà dê.

Galati 6:17

Bơh do jơl hìng nau bañ gơs cau lơi lơh bòl glar kalke añ in tai, bơh să jan añ neh gơs tềl sồt Yàng Jesu dê.

Galati 4:17

Ală cau hơ̆ ngac ngar bơh oh mi, ò di bơh nùs niam; mơya bol khai kòñ oh mi sang bol hi, tồ oh mi ngac ngar lòt jat bol khai.

Galati 2:4

Bol hi neh lơh behơ̆ la tài bơh ală cau ma blac ne mut òm tòm mpồl bol hi, nàng sền òm bơta khat gơboh bol hi geh tòm Yàng Krist Jesu, bol khai kòñ kup bol hi nàng lơh dĭ.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Broă 13:10

“Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Jeremi 23:26

Ală cau gơnoar hwơr hơ̆, jat bơta ma blac nùs bol khai dê mơ đơs hwơr, bol khai gơs nùs behơ̆ jơl tus di tŭ lơi taih?

Jeremi 23:36

Tŭ hơ̆ bañ đơs ‘Ơnòng kơnjơ̆ Yàng Jehôwa dê tai;’ bơh jơnau đơs kòp nă cau dê rơp la dô nơm ơnòng kơnjơ̆ khai dê, bơh bol mê neh lơh tìs ală jơnau đơs Yàng Tom Trồ kis gam sùm dê, Yàng Jehôwa Gơnap Gơnoar, Yàng Tom Trồ bol he dê.

Galati 1:6

Añ ai lơh krơi bơh oh mi neh sơrbac sơrbang sang Bơtau neh hòi sac oh mi bơh bơta nđàc Bơtau Krist dê, nàng jat jơnau niam ndai.