Galati 1:10 - Sră Goh 2018

¹⁰ Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Galati 1:10 Referans Kwoze

I Tesalônika 2:4

Mơya jat be Yàng Tom Trồ neh dòp bol hi la di pal ngan nàng jào Jơnau Niam bol hi in, gen bol hi đơs, ò di tồ niam nùs cau, mơya nàng niam nùs Yàng Tom Trồ, la Bơtau sền sơwì nùs bol hi.

Broă 5:29

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

Ephesô 6:6

ò di jat bơta duh broă tòm mat, be cau jòi bơta lơh niam nùs cau, mơya be cau dĭ gơna Bơtau Krist dê, jơh nùs lơh jat nùs kòñ Yàng Tom Trồ dê.

Jakơ 4:4

Ơ ală cau ò dòn song ne! Oh mi ò git lah lơh bơyô mơ dunnia hơ̆ la tòmdră mơ Yàng Tom Trồ ò ơ? Gen tàng cau lơi kòñ lơh bơyô mơ dunnia gen cau hơ̆ gơlik gơs cau sò tơm mơ Yàng Tom Trồ.

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Kôlôse 3:22

Ơ cau la dĭ gơna, tòm jơh ală bơta dòn duh tĕ cau tòm mê dê jat đah poac să, ò di bơh bơta duh broă di đap mat cau, be cau kòñ lơh niam nùs cau, mơya bơh duh rngòt di Yàng, ai tĕ nùs song ngan mơ duh broă.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

I Jang 3:9

Cau lơi tơnggơs bơh Yàng Tom Trồ gen ò tìs glài, tài bơh gar sơntìl Yàng Tom Trồ dê ơm sùm tòm khai; mơ khai ò rgơi tìs glài, tài bơh neh tơnggơs bơh Yàng Tom Trồ.

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

Rôma 2:8

ai cau lơi gơs nùs tòmdră, ò bài dòn jat jơnau song, mơya jat bơta ò song ring, gen Yàng Tom Trồ rơp tuh hơđang bol khai bơta gơjrañ dờng mơ gơhào gơjrañ.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

I Kôrintô 10:33

Kung be añ, lơh niam nùs jơh ală cau tòm jơh ală bơta, ò di jòi cồng nha is añ in, mơya jòi cồng nha oă cau in, nàng bol khai geh dong klàs.

Mathiơ 28:14

Dilah kwang đơng lơgar kơno bơta hơ̆, gen bol hi rơp bơto pơndòm khai, mơ lơh bol mê in klàs bơh bơta kơlôi rngòt.”

I Samuel 21:7

Tŭ hơ̆ gơs dô nă tòm mpồl cau duh broă Sol dê ơm tềng hơ̆, gơkòl ơm wơl di đap Jehôwa, sơnđan khai la Dôek, cau Edôm, la cau at bồ ală cau ê belàt Sol dê.

Broă 12:20

Tŭ hơ̆, bơtau Herôt gơhào gơjrañ ngan di làng bol Tirơ mơ làng bol Sidôn. Behơ̆, bol khai gơs dô nùs bal lòt tus hơ cau bơtau. Tơnơ̆ mơ tŭ neh lơh niam nùs Blastus la cau kwang dờng ơm rềp mơ cau bơtau nàng dan tòmsòr bal, tài bơh lơgar bol khai kư̆ kơnòm sa di lơgar cau bơtau dê.

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in: