Este 3:12 - Sră Goh 2018

¹² Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 3:12 Referans Kwoze

I Ală Bơtau 21:8

Behơ̆, Jesebel cih sră pơyoa ai sơnđan Ahap, tap ƀang kì bơtau, pơyoa ală kwang kra mơ ală cau màng ryŭ ơm tòm ƀòn dờng bal mơ Nabôt.

Este 1:22

bơtau pơyoa sră tus hơ jơh ală tiah tòm lơgar khai dê, kòp kơnhwàl jat jơnau cih gơ dê mơ kòp làng bol jat jơnau đơs làng bol hơ̆ dê, mơ bơto yal lah kòp nă cau klau pal lơh gơs cau at bồ hìu nhă tòm khai dê.

Daniel 6:15

Ală cau bơtào kai gơrmơ̆i sò tơm di Daniel tus wơl hơ bơtau mơ đơs lah: “Ơ bơtau, dan git lah jat bơta boh lam cau Medi mơ cau Persia dê, hơ̆ la ò gơs jơnau bơkơ̆u hala bơta lơh nền lơi mơ bơtau neh bơtào mơ rgơi tòmgơl.”

Daniel 6:12

Gen bol khai lòt tus hơ bơtau mơ lùp bơh jơnau bơkơ̆u bơtau dê, mơ lah: “Ơ bơtau, bơtau ò di neh lơh tềl sơnđan mat tòm sră cih jơnau bơkơ̆u la tòm pe jơt ngai, dilah cau lơi hòi dan di yàng lơi ndai hala di cau lơi ndai rlau mơ bơtau, gen cau hơ̆ rơp pal kong sơrbì tòm wàng klìu triă ò ơ?” Bơtau ho lah: “Bơta hơ̆ la ngan, jat be bơta boh lam cau Medi mơ cau Persia dê gen ò rgơi tòmgơl.”

Daniel 6:8

Behơ̆ tŭ do, Ơ bơtau, ai tĕ jơnau bơkơ̆u hơ̆ mơ kĭ mat bơtau tòm hơ̆ tồ gơ ò rgơi tòmgơl, jat be bơta boh lam kràñ cê cau Medi mơ cau Persia dê, bơta hơ̆ ò rgơi tơnroh.”

Este 9:27

Ală cau Juda dòp mơ bơtào kơ̆ be dô bơta òs mòng să tòm bol khai in mơ ală kòn sau bol khai in bal mơ jơh ală cau gơs dô bă bal mơ bol khai, bơta do ò geh sang lòi, bol khai pal pơnjat prap gàr bàr ngai do tòm kòp nam jat be neh cih mơ jat tŭ tơngai neh lơh nền.

Este 8:2

Bơtau hồ sơmbiat ƀang kì mơ khai neh tă bơh di Haman mơ ai gơ Mordike in. Mơ Este bơtào Mordike at bồ hơđang hìu Haman dê.

Ejra 8:36

Bol khai kung jào sră cih jơnau gơnoar sồr cau bơtau dê ală cau bơtau oh bal mơ ală cau kwang at bồ kơnhwàl Đah Ne Hiòng in, gen bol khai dong kòl làng bol mơ hìu Yàng Tom Trồ dê.

Este 3:11

Bơtau đơs mơ Haman lah: “Prap gàr tĕ jền priă mê in, mơ lơh di làng bol jat nùs mê kòñ.”

Daniel 3:10

Ơ bơtau, bơtau neh ai jơnau sồr jơh tơl nă cau tòm tŭ kơno ntas kơlwòk, rkèl, kơwào, kơñi pĕ, kơñi rơs, kơmboat mơ ală bơta kơñi ndai gen pal tơmbic să nàng duh khoai rùp ràk mơ màh.

Daniel 6:25

Gen bơtau Darius cih sră pơyoa jơh ală làng bol, ală lơgar mơ ală jơnau đơs in tòm làm bă tiah lah: “Dan bơta lơngap lơngai bol mê dê geh gơbơtơl oă tai.