Este 1:22 - Sră Goh 2018

²² bơtau pơyoa sră tus hơ jơh ală tiah tòm lơgar khai dê, kòp kơnhwàl jat jơnau cih gơ dê mơ kòp làng bol jat jơnau đơs làng bol hơ̆ dê, mơ bơto yal lah kòp nă cau klau pal lơh gơs cau at bồ hìu nhă tòm khai dê.

Este 1:22 Referans Kwoze

Este 8:9

Ală cau gơnoar cih bơtau dê geh hòi tus tòm tŭ hơ̆, tòm ngai bàr jơt pe kơnhai pe la kơnhai Siban. Bol khai cih jơh ală jơnau gơnoar sồr Mordike dê pơyoa tus hơ ală làng bol Israel mơ ală cau kwang đơng lơgar, ală cau kwang at bồ kơnhwàl mơ ală cau ryŭ ryơm tòm dô rhiang bàr jơt poh kơnhwàl bơh Jôa tus Ethiôpi, mơ ală jơnau sồr do geh cih tòm jơnau cih kòp kơnhwàl mơ jat jơnau đơs kòp làng bol dê, mơ kung pơyoa ală làng bol Israel in tòm jơnau cih mơ jơnau đơs bol khai dê.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

I Timôthe 2:12

Añ ò ai gơnoar cau ùr in bơto sồr, kung ò geh at bồ hơđang cau klau sơl, mơya pal ơm mŏ mŏ.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Daniel 4:1

Bơtau Nebukatnessar pơyoa jơnau jơh ală làng bol, ală lơgar, ală jơnau đơs in tòm làm jơh ù tiah: “Dan ală bol mê in geh bơta lơngap lơngai bềng lìu.

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Este 1:21

Cau bơtau mơ ală cau màng ryŭ bơtau dê lơh niam nùs di jơnau bơyai hơ̆, behơ̆ cau bơtau lơh jat be bơta Memukan neh bơyai,