Este 1:1 - Sră Goh 2018

¹ Do la bơta neh gơlik gơs tòm rài Ahasuerus, la cau bơtau neh at bồ hơđang dô rhiang bàr jơt poh kơnhwàl bơh lơgar Jôa tus hơ lơgar Ethiôpi.

Este 1:1 Referans Kwoze

Daniel 9:1

Tòm nam sơnròp bơtau Darius dê la kòn klau Ahasuerus, jơi bơtiàn cau Medi, neh geh pồ bơtào at bồ lơgar cau Kalde;

Este 8:9

Ală cau gơnoar cih bơtau dê geh hòi tus tòm tŭ hơ̆, tòm ngai bàr jơt pe kơnhai pe la kơnhai Siban. Bol khai cih jơh ală jơnau gơnoar sồr Mordike dê pơyoa tus hơ ală làng bol Israel mơ ală cau kwang đơng lơgar, ală cau kwang at bồ kơnhwàl mơ ală cau ryŭ ryơm tòm dô rhiang bàr jơt poh kơnhwàl bơh Jôa tus Ethiôpi, mơ ală jơnau sồr do geh cih tòm jơnau cih kòp kơnhwàl mơ jat jơnau đơs kòp làng bol dê, mơ kung pơyoa ală làng bol Israel in tòm jơnau cih mơ jơnau đơs bol khai dê.

Daniel 6:1

Bơtau Darius niam nùs pồ bơtào dô rhiang bàr jơt nă cau kwang at bồ kơnhwàl lơgar nàng at bồ jơh ală kơnhwàl tòm lơgar.

Este 9:30

Ală sră pơyoa neh geh pơyoa ai bơta lơngai mơ bơta dong tă tus hơ ală cau Juda, tus hơ dô rhiang bàr jơt poh kơnhwàl lơgar tòm lơgar bơtau Ahasuerus dê,

Ejra 4:6

Tòm rài at bồ Ahasuerus dê, tòm nam khai sơntòm at bồ, bol khai cih sră yă làng bol Juda mơ làng bol ơm tòm Jerusalem.

Esai 37:9

Tòm tŭ hơ̆ bơtau Asiri neh kơno jơnau yal lah Tirhaka, la bơtau Ethiôpi dê neh lik lòt nàng tòmlơh mơ bơtau; gen khai sồr ală cau kong sồr lòt tus đơs mơ Ejekia ală jơnau do:

Esai 18:1

Bòl glar ù tiah tàp pơnđar in đah ne ală hiòng Ethiôpi dê,

Este 2:3

Dan bơtau pồ bơtào ală cau kwang tòm jơh ală kơnhwàl tòm lơgar bơtau dê nàng bol khai hòi pơjum jơh ală cau ơruh hàng mơnĕ hơ̆ tus hơ gơlang bau ùr bơtau dê tòm ƀòn dờng Susa, mơ jào Hegai in sền gàr; la kwang kriau duh broă bơtau dê, cau gơs gơnoar sền gàr ală cau ùr, mơ ai tĕ bol khai in ală phan ngui nàng bơka să.

Este 10:1

Bơtau Ahasuerus boh dia hơđang tòm làm jơh lơgar mơ hơđang ală bồt pơlào tòm dàlềng dê.

Daniel 11:2

Tŭ do, añ rơp yal mê in git jơnau song: Pe nă cau bơtau tai rơp guh tòm Persia, mơ bơtau dơ̆ poan la pas sơm rlau jơh. Tòm tŭ khai neh gơlik gơs pràn kơldang kơnòm di phan mơna pas gơs khai dê, gen khai chồl bơtrut jơh ală cau tòmdră mơ lơgar Grek.