Esai 1:14 - Sră Goh 2018

¹⁴ Hwềng soàn Añ gơjrañ di ală bơta pơjum sa Ngai Dùl Lik mơ ală ngai pơjum sa bol mê dê, ală bơta hơ̆ neh gơlik gơs ơnòng kơnjơ̆ Añ in, Añ bòl glar mơ àñ ơnòng gơ.

Esai 1:14 Referans Kwoze

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Esai 43:24

Mê neh ò blơi Añ in chi ƀô niam lơi, kung neh ò ơn Añ in dơngi ală phan ơn duh khoai. Mơya mê lơh Añ in kơnjơ̆ bơh tồi glài mê dê, mơ tơmbòl Añ bơh ală bơta tồi glài iơh bơsak mê dê.

Amôs 2:13

Behơ̆, Añ rơp jă tơnlề bol mê tòm tiah bol mê, kung be dô nơm rơndeh jă tơnlề tòm tŭ gơ pơdiang kòi.

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Esai 29:1

Bòl glar ngan mê in, ơ Ariel, Ariel, la ƀòn dờng Dabit neh lơh sàl tềng hơ̆! Bơtơl oă nam; lòi ală ngai pơjum sa kư̆ lòt rlau.

I Yal Yau 23:31

mơ tòm tŭ phan ơn chu pơrguc ơn Yàng Jehôwa in tòm ală ngai Saƀat, ală bơta pơjum sa kơnhai pa mơ ală ngai pơjum sa neh lơh nền, jat be khà pal càng bol khai dê òs duh broă di đap Yàng Jehôwa.

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Esai 66:23

Yàng Jehôwa đơs lah: “Bơh ngai dùl lik do tus di ngai dùl lik tơnơ̆, bơh ngai Saƀat do tus di ngai Saƀat ngkòi, jơh jơi poac să rơp tus mơ cùn khoai di đap Añ.

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.