Ephesô 6:12 - Sră Goh 2018

¹² Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

Ephesô 6:12 Referans Kwoze

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Ephesô 1:21

jòng rlau jơh ală gơnoar at bồ, gơnoar, gơnoar pràn, bơta at bồ, mơ jơh ală sơnđan, ò di mìng tòm rài do lơm, mơya kung tòm rài rơp tus sơl.

Rôma 8:38

Bơh añ dòn nền ngan lah bulah bơta chơt, hala bơta kis, ală cau gơnrơh, ală gơnoar at bồ, ală bơta tŭ do hala ală bơta rơp tus, hala ală gơnap gơnoar,

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

I Kôrintô 15:50

Ơ oh mi, añ đơs be do lah poac mơ mhàm ò geh pơrdòn lơgar Yàng Tom Trồ; bơta òs ồm lề kung ò geh pơrdòn bơta ò ồm lề.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Jang 16:11

Bơh bơta cahrña, tài bơh bơtau dunnia do neh kong cahrña rau.

Sră Jop 2:2

Yàng Jehôwa lùp Satan lah: “Mbơh mê tus taih?” Satan ho mơ Yàng Jehôwa lah: “Añ lòt yơng tòm plai ù, mơ lòt ma kiau làm bă tiah.”

Luka 22:53

Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”

Luka 13:24

“Pơnđơl tĕ jơh pràn mut tòm mpồng wềt, bơh Añ đơs mơ bol mê, oă cau rơp jòi gùng kòñ mut mơ ò rgơi.

II Timôthe 2:5

Dô nă cau tòmpơrlòng dilah ò jat bơta boh lam, gen ò geh sơgơn bơtau.

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Hebrơ 12:4

Oh mi tòmdră mơ tồi glài tian gơs òhềt hòr mhàm;

Galati 1:16

mơ niam nùs yal tơlik Kòn Kơnràñ dê tòm añ, tồ añ in bơto yal bơh Kòn hơ̆ digùl làng bol bơdìh, gen añ ò càng bơyai mơ cau lơi.

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

II Kôrintô 11:14

Ò gơkrơi dô êt lơi, tian gơs să tòm cà Satan kung lơh tànggơ be cau gơnrơh bơta àng.