Ephesô 5:4 - Sră Goh 2018

⁴ Kung bañ đơs jơnau pàp tràl, hala đơs lềng, hala đơs lèo, hơ̆ la ală bơta ò di pal, mơya chan ưnngài Yàng Tom Trồ la niam rlau.

Ephesô 5:4 Referans Kwoze

Kôlôse 3:8

Mơya tŭ do oh mi tă sang tĕ jơh ală bơta hơ̆, la bơta gơhào nùs, bơta gơjrañ mañ, bơta bih khih, bơta bơrsèl tơnhial, mơ jơnau pàp tràl bơh di bơr oh mi.

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

Jơnau Pơnđik 15:2

Lơmpiat cau jak chài yal tơlik bơta git jak dô bă di pal; mơya bơr cau tùl gơla mìng tơlik jơnau bơrngơl gơla.

Cau Bơto 10:13

Jơnau đơs bơr bol khai dê, rơp sơntòm mơ bơta bơrngơl gơla, mơ jơnau lồi dut bol khai dê la sơnrang sơnrồng iơh bơsak.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

Jude 1:10

Mơya ală cau do bơrsèl tơnhial di ală bơta bol khai ò git wă, ai ală bơta bol khai jat bơta òs mơ git kung be ală phan poan jơng ò gơs dơngoh kơlôi, gen bol khai kòl tơnroh bơh ală bơta hơ̆.

II Kôrintô 9:15

Ưnngài tĕ Yàng Tom Trồ, bơh bơta ai gòi Kơnràñ dê ò git jơh!

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Đơs Crih 92:1

Ơ Bơtau Hơđang Rlau Jơh, bơta hơ̆ la niam tòm tŭ ưnngài Yàng Jehôwa, Mơ đơs chò jòng ro sơnđan Kơnràñ dê.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

II Kôrintô 1:11

Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Jơnau Pơnđik 12:23

Cau chài rgơi pồn bơta he git; Mơya nùs cau tùl gơla yal tơlik bơta lu sơnrang.

II Pier 2:7

Mơ dilah Kơnràñ dong tă Lot la cau song ring, neh kơlôi moat ngan bơh bơta lơh lòt bung jang ală cau iơh bơsak dê,

Đơs Crih 33:1

Ơ ală cau song ring, hòn chò tĕ tòm Yàng Jehôwa! Bơta jòng ro di pal mơ cau song ngan.

Philemôn 1:8

Behơ̆ tàng, bulah añ gơs nùs khin cha ngan tòm Bơtau Krist mơ sồr bi lơh broă pal lơh,

I Tesalônika 3:9

Mbe lơi bol hi rgơi tơl jơnau ưnngài Yàng Tom Trồ tài bơh oh mi, bơh jơh ală bơta hòn chò bol hi geh di đap Yàng Tom Trồ tài bơh oh mi taih?

Ephesô 1:16

gen añ tài bơh oh mi mơ ưnngài Yàng Tom Trồ ò dơh. Añ òs kah oh mi tòm tŭ hòi dan.

Jang 6:23

Mơya gơs ală ơhò ndai bơh Tiberias lòt tus rềp di tiah bol khai neh sa piang lă tòm tŭ Yàng Jesu neh ưnngài rau.

Daniel 6:10

Bulah Daniel neh kơno la jơnau bơkơ̆u hơ̆ cau bơtau neh lơh tềl sơnđan mat rau, khai kư̆ gam rê hơ hìu khai, tềng hơ̆ gơs ală mpồng dềt tòm ơdŭ jơnhoa hơđang, Daniel òs pò ală mpồng dềt wèt hơ đah Jerusalem, mơ cùn gơltang dô ngai pe dơ̆ hòi dan, mơ jòng ro Yàng Tom Trồ jat be khai neh òs lơh bơh lài.

Jơnau Pơnđik 26:19

Ò gơkrơi be dô nă cau pơrlồm cau gơp ƀòn he, mơ đơs lah: “Añ kơnhơl gơ dê hơ̆!”