Ephesô 4:25 - Sră Goh 2018

²⁵ Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 4:25 Referans Kwoze

Kôlôse 3:9

Bañ đơs blac bal mơ gơp, bơh neh klò sang cau yau bal mơ bơta lơh lòt gơ dê,

Sacari 8:16

Do la ală bơta bol mê pal lơh: “Đơs tĕ jơnau song bal mơ gơp, cahrña song ngan mơ lơh bơh bơta ring lơngai tòm ală tiah cahrña bol mê dê.

Jơnau Pơnđik 12:22

Bơr sơndồi đơs lac lèo ai lơh cù kìr Yàng Jehôwa in; Mơya cau lơi lơh lòt dòn song geh niam nùs Kơnràñ.

Rôma 12:5

gen kung behơ̆ sơl, bulah bol he gơs oă cau mơya bol he la dô nơm să jan tòm Bơtau Krist, mơ bol he la ală pơnah bal.

Ephesô 4:15

Mơya pal ai hwềng nùs kòñ gơboh mơ đơs jơnau song, nàng tòm jơh ală bơta bol he geh dờng tòm Bơtau lam bồ, hơ̆ la Bơtau Krist;

Jơnau Pơnđik 12:17

Cau lơi đơs song, bơto yal bơta song ring; Ai cau lơh cơng ma blac yal tơlik bơta blac chừt.

Jơnau Pơnđik 8:7

Bơh bơr añ rơp đơs jơnau song; Ai sơndồi añ gơjrañ di bơta iơh rmơh.

Jơnau Pơnđik 12:19

Sơndồi song ngan geh kơ̆ wền sùm sùm; Ai lơmpiat ma blac mìng gam dô êt jŏ lơm.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

Lebi 19:11

Bañ ntung kơñau. Bañ đơs blac. Bañ pơrlồm bal mơ gơp.

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

I Timôthe 1:10

cau rềs àr bơrnàn, cau dri tơlàr cau klau mơ cau klau, cau kơñau kòn mơnus, cau đơs blac, cau srat blac in, hala bơta lơi ndai tìs mơ bơta bơto sồr song ngan,

II Kôrintô 7:14

Dilah añ neh jòng să dô êt lơi bơh oh mi di đap Tit, gen kung ò ƀàssìl; bơh bol hi neh đơs bơh oh mi la song ngan, be jơh ală bơta añ neh jòng să oh mi di đap Tit kung la ngan sơl.

Sră Pơyoa Pol Dê Pơyoa Tit In 1:12

Dô nă tòm mpồl bol khai, hơ̆ la cau gơnoar hwơr bol khai dê, neh đơs lah: “Cau Kret òs đơs blac, la phan poan jơng jàñ bơsak, jròk sa mơ lơh alah.”

I Kôrintô 10:17

Bơh gơs mìng dô nơm piang lă, mơ bol he bulah oă cau kung mìng dô nơm să jan; bơh jơh ală bol he gơs pơnah tòm dô nơm piang lă hơ̆.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Esai 63:8

Bơh Kơnràñ neh đơs lah: “Ngan, bol khai la làng bol Añ jê, la ală kòn sau ò lơh bơta ma blac mơ Añ;” mơ Kơnràñ neh gơlik gơs Bơtau Dong Klàs bol khai dê.

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jơnau Pơnđik 21:6

Phan mơna geh bơh lơmpiat blac pơrlồm, hơ̆ la nhơm tă mhar jơh la dă pơt bơta chơt.

Jơnau Pơnđik 6:17

Gar mat pơnhừ să, lơmpiat lac lèo, tê lơh gơhòr mhàm ò gơs glài;

Đơs Crih 119:29

Dan sang ngài bơh di añ ală gùng dà blac chừt, Dan nđàc mơ bơto añ in git bơta boh lam Kơnràñ dê.

Đơs Crih 52:3

Mê gơboh bơta iơh rlau mơ bơta niam, Kòñ đơs blac rlau mơ đơs jơnau song. (Selah)

Ephesô 5:30

tài bơh bol he la pơnah tòm să jan Kơnràñ dê.

I Ală Bơtau 13:18

Gen cau hơ̆ đơs tai lah: “Añ kung la dô nă cau gơnoar hwơr be mê, mơ cau gơnrơh Yàng Jehôwa dê neh đơs mơ añ lah: ‘Cèng tĕ khai mut tòm hìu bal mơ mê, nàng khai in sa ƀañ mơ hùc dà.’” Mơya cau hơ̆ đơs pơrlồm khai.

Lik Ejiptơ 23:7

Bañ bơtào bơta yă blac, mơ bañ tơnchơt dô nă cau ò gơs glài hala dô nă cau song ngan, bơh Añ rơp lơh nền glài cau lơh broă iơh behơ̆.

Đơs Crih 15:2

Hơ̆ la cau lòt jat bơta song ngan, lơh bơta song ring, Mơ đơs jơnau song tòm nùs khai dê.

Jơnau Pơnđik 24:28

Bañ lơh cơng tòmdră mơ cau ơm rềp mơ he ò bồ, bañ ai bơr sơndồi kòn lơh blac pơrlồm.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

Kôlôse 3:8

Mơya tŭ do oh mi tă sang tĕ jơh ală bơta hơ̆, la bơta gơhào nùs, bơta gơjrañ mañ, bơta bih khih, bơta bơrsèl tơnhial, mơ jơnau pàp tràl bơh di bơr oh mi.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Jakơ 1:21

Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

Ală Kwang Cahrña 16:11

Samsôn đơs lah: “Dilah cau cap añ mơ che tơrme òhềt cau ngui, gen añ rơp gơlik lơbơn kung be cau ndai.”