Ephesô 2:14 - Sră Goh 2018

¹⁴ Bơh Kơnràñ la bơta ring lơngai bol he dê, neh lơh cau Juda mơ cau làng bol bơdìh in gơs dô bă bal, lơh tơrlah dơrñang cah is tòmsò digùl bol he.

Ephesô 2:14 Referans Kwoze

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Ephesô 2:15

Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 10:28

Khai đơs mơ bol hơ̆ lah: “Să tòm oh mi neh git lah cau Juda ò geh gơnoar tòmklac bal hala lòt rê mơ cau lơi tòm làng bol ndai, mơya Yàng Tom Trồ neh yal añ in git ò di sền dô nă cau lơi la ƀơ̆ ƀơl hala ò goh.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”

Mice 5:5

Kơnràñ rơp la bơtau bơta lơngap lơngai dê. Dilah cau Asiri brồ mut tòm ù tiah bol he dê, mơ lòt hơđang ù bol he dê, gen bol he rơp bơtào tơngguh poh nă cau ê gàr, mơ phàm nă cau gơnoar lam bồ làng bol nàng tòmdră mơ khai.

Hebrơ 7:2

Abraham kung ai dô pơnah jơt tòm jơh ală phan khai neh dòp geh mơ ơn bơtau in. Jat jơnau gơtha Melcijedek sơnròp ngan la “bơtau song ring,” kung la bơtau Salem dê, hơ̆ la “bơtau ring lơngai.”

Ephesô 4:16

kơnòm dê Kơnràñ mơ jơh să jan geh crap mơ gơtòmklĕ bal bơh bơta dong kòl ală tiah tơrbŏ dê, jat be pràn kòp pơnah dê, lơh să jan gơlik dờng mơ bơtào is tòm bơta kòñ gơboh.

Ephesô 3:15

bơh Kơnràñ mơ jơh ală jơi bơtiàn hơđang trồ mơ tòm ù geh tơmoh sơnđan.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Sacari 6:13

Hơ̆ la să tòm khai rơp bơt bơtào hìu duh khoai Yàng Jehôwa in, mơ khai rơp geh bơta ryŭ ryơm, rơp nggui at bồ hơđang sơbàn khai dê, mơ khai rơp lơh gơs cau gơnoar ơn phan duh khoai hơđang sơbàn khai dê; mơ rơp gơs bơta gơtòmklac ring lơngai digùl bàr nơm gơnoar broă hơ̆.’

Este 3:8

Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.

Ephesô 2:17

Bơtau Krist neh tus nàng bơto yal Jơnau Niam bơh bơta ring lơngai cau làng bol bơdìh in, la cau ơm ngài bơh Yàng Tom Trồ, mơ cau Juda in la cau ơm rềp mơ Kơnràñ.