Ephesô 1:5 - Sră Goh 2018

⁵ Bơh bơta kòñ gơboh, Kơnràñ neh lơh nền lài bol he in kơnòm di Yàng Jesu Krist nàng geh kòp la kòn klau kòn ùr, jat be nùs kòñ niam Kơnràñ dê,

Ephesô 1:5 Referans Kwoze

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

I Jang 3:1

Sền tĕ Yàng Bèp neh ai bol he in bơta kòñ gơboh ò git nđò, nàng bol he geh sơnđan la kòn Yàng Tom Trồ dê; mơ bol he ngan la behơ̆. Dunnia ò git đal bol he, tài bơh bol khai ò git Kơnràñ.

Jang 1:12

Mơya dilah cau lơi neh dòp Kơnràñ, hơ̆ la dòn di sơnđan Kơnràñ; gen Kơnràñ ai khai in gơnoar gơlik gơs kòn sau Yàng Tom Trồ dê.

Rôma 8:23

ò di mìng ală phan tòm trồ tiah lơm, bol he la cau gơs Yàng Hwềng be bơta nđàc sơnròp ngan Yàng Tom Trồ dê, kung rac ròc tòm nùs, tòm tŭ kơp gơn Yàng Tom Trồ kòp bol he la kòn ròng Kơnràñ dê mơ bơta hồ toh să jan bol he dê.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

II Kôrintô 6:18

Añ rơp lơh gơs Bèp ală bol mê dê, Ală bol mê rơp lơh gơs kòn klau kòn ùr Añ jê. Yàng la Bơtau Gơnoar Dờng Làm Jơh đơs behơ̆.”

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Jeremi 3:19

Añ neh kơlôi lah: ‘Añ rơp ơn mê digùl ală kòn sau Añ jê, Añ rơp ai mê in dô bă tiah ù niam, Phan jơtài hàng mơnĕ rlau jơh tòm ală lơgar Añ neh kơlôi: Mê rơp hòi di Añ la “Bèp Añ jê!” Mơ ò pơrlac sang bơh bơta lòt jat Añ.

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

Luka 10:21

Kung tòm jơ hơ̆, Yàng Jesu geh hòn chò tòm Yàng Hwềng Goh mơ đơs lah: “Ơ Bèp la Yàng trồ tiah dê, Añ ưnngài Bèp, bơh Bèp neh pồn ală bơta do bơh di ală cau jak chài àng loh, mơ yal tơlik ală kơnòm dềt in. Ngan, ơ Bèp, bơh bơta hơ̆ niam nùs Bèp.

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Mathiơ 11:26

Ngan behơ̆, ơ Bèp, bơh hơ̆ la nùs kòñ Bèp dê.

Luka 11:32

Tòm ngai cahrña, cau Ninibe rơp ñă ntào mơ cau rài do mơ lơh nền glài bol khai, bơh cau Ninibe neh gơjrañ sang glài tòm tŭ Jôna bơto yal, mơ do gơs dô nă cau dờng rlau mơ Jôna!”

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

I Kôrintô 1:1

Pol, cau geh hòi sac lơh gơs cau gơnoar bơto dờng Yàng Krist Jesu dê, bơh nùs kòñ Yàng Tom Trồ, mơ Sôsthen la oh mi,

Mathiơ 1:25

mơ ò bic bal mơ khai jơl tus dê tŭ khai neh deh dô nă kòn klau, mơ Jôsep tơmoh sơnđan la JESU.

Jeremi 3:4

Bơh do jơl hìng nau mê rơp ò hòi di Añ lah: ‘Ơ bèp añ, Kơnràñ la cau bơyô añ jê, tŭ añ gam kơnòm să,

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Broă 13:48

Tòm tŭ kơno jơnau hơ̆ gen làng bol bơdìh hòn chò ngan mơ jòng ro jơnau Yàng Tom Trồ, mơ ală cau neh geh lơh nền geh bơta kis gam sùm sùm gen gơlik gơs cau dòn.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.