Ephesô 1:13 - Sră Goh 2018

¹³ Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 1:13 Referans Kwoze

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Sră Pơyoa Pol Dê Pơyoa Tit In 2:11

Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Luka 24:49

Mơ do, Añ sồr Bơtau mơ Bèp neh ho mù hơđang bol mê; ai bol mê kư̆ ơm tĕ tòm Jerusalem jơl tus di tŭ neh dòp soh gơnap gơnoar bơh đang jòng.”

Đơs Crih 119:43

Dan bañ tă jơnau song ngan bơh di bơr añ, Bơh añ gơn kơnòm di ală jơnau gơnoar sồr Kơnràñ dê.

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Broă 1:4

Tòm tŭ ơm pơjum bal mơ ală cau gơnoar bơto dờng, Kơnràñ nting lah “Bañ lik bơh Jerusalem, mơya kư̆ ơm gơn tĕ bơta mơ Bèp neh ho ai, la bơta bol mê neh kơno Añ đơs.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Luka 11:13

Dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ ò ai Yàng Hwềng Goh ală cau lơi in dan mơ Kơnràñ ò ơ?”

Yal Tơlik 7:2

Añ gŏ dô nă cau gơnrơh ndai guh bơh đah mattơngai lik, at ƀang kì Yàng Tom Trồ gam kis sùm dê. Khai hòi driau dờng mơ poan nă cau gơnrơh gơs gơnoar lơh iơh di plai ù mơ dàlềng,

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

II Timôthe 2:15

Jơh nùs tĕ tơlik mat nàng niam nùs Yàng Tom Trồ, be dô nă cau lơh broă ò ƀàssìl yal tơlik jơnau song dê dô bă song ngan.

Ephesô 4:21

ngan oh mi neh kơno bơh Kơnràñ mơ geh bơto tòm Kơnràñ, jat be jơnau song tòm Yàng Jesu.

II Kôrintô 6:7

jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

Jang 3:33

Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Jakơ 1:21

Behơ̆, sang tĕ jơh ală bơta ƀơ̆ ƀơl mơ bơta iơh bơsak bềng lìu, ai nùs niam lơnhơn mơ dòp jơnau Yàng neh tam tòm oh mi, la jơnau rgơi dong klàs hwềng soàn oh mi dê.