Ejra 1:8 - Sră Goh 2018

⁸ Sirus bơtau Persia sồr Mitredat, cau kwang at bồ đam jàr cèng tus ală phan hơ̆, kòp khà bol gơ mơ jào Sesbajar in la cau kwang at bồ làng bol Juda dê.

Ejra 1:8 Referans Kwoze

Ejra 5:14

Rlau mơ hơ̆ tai, màh mơ priă mơ ală phan ngui tòm hìu Yàng Tom Trồ dê, mơ bơtau Nebukatnessar neh tă bơh di hìu duh khoai tòm Jerusalem mơ cèng tus hơ tơmut tòm hìu bơmồng tòm Babilôn; ală phan ngui hơ̆ bơtau lơh mơ màh mơ priă la ală phan ngui gơrê bal mơ hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ cèng brê hơ hìu duh khoai tòm Babilôn. Gen bơtau Sirus neh jào ală phan hơ̆ dô nă cau in sơnđan la Sesbajar la cau mơ bơtau neh bơtào gơs kwang at bồ,

Sră Age 1:14

Behơ̆ Yàng Jehôwa chồl hwềng nùs Jerubabel, kòn klau Sealthiel, kwang dờng at bồ lơgar Juda, mơ chồl hwềng nùs Jôsua, kòn klau Jehôjadak, cau gơnoar dờng lam bồ ơn phan duh khoai, mơ chồl hwềng nùs jơh làng bol gam wơl. Bol khai lòt tus, lơh broă bơt hìu Jehôwa Gơnap Gơnoar Dờng Làm Jơh la Yàng Tom Trồ bol khai dê,

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Ejra 5:16

Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Ejra 1:11

Tơrgòm ală phan ngui mơ màh mơ priă la pram rbô poan rhiang nơm. Sesbajar cèng bal jơh ală phan do bơh Babilôn, tòm tŭ ală cau neh kong kup rê wơl tus hơ Jerusalem.

Jeremi 51:44

Añ rơp lơh glài Bel tòm Babilôn, Rơp tă phan khai neh loan lik bơh bơr khai dê; Ală lơgar rơp ò ràn tus mơ khai tai. Dơrñang theng Babilôn kung rơp tơrlah tơrlơm!

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.