Ejekiel 9:8 - Sră Goh 2018

⁸ Tòm tŭ bol khai sreh tơnchơt cau mơ lòi añ ơm is dô nă, añ blup mat tòm ù mơ hòi dan lah: “Ơ hơh, Ơ Jehôwa Yàng Tom Trồ, Kơnràñ tơnroh jơh làng bol gam wơl Israel dê tòm tŭ Kơnràñ gơhào gơjrañ dờng gơwèt hơ Jerusalem ơ?”

Ejekiel 9:8 Referans Kwoze

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Ejekiel 4:14

Gen añ đơs lah: “Ò di behơ̆, ơ Yàng Jehôwa At Bồ Hơđang Jơh, añ ò tŭ lơi lơh ƀơ̆ ƀơl să tòm añ. Bơh tŭ kơnòm să tus tŭ do, añ ò tŭ lơi sa phan chơt is hala kong phan brê crè poac. Ò tŭ lơi gơs poac ò goh lơi mut tòm bơr añ jê.”

I Yal Yau 21:16

Dabit tơnggòr sền mơ gŏ cau gơnrơh Yàng Jehôwa dê ntào digùl trồ mơ tiah, gơs dô nơm đào neh tă bơh di sơmprồm at tòm tê pò hơđang Jerusalem. Gen Dabit mơ ală cau kwang kra neh soh ƀào kiat tơmbic să blup mat tòm ù.

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Khà Làng Bol 16:45

“Lik tĕ ngài bơh di mpồl jơnum do nàng Añ rơp tơnroh bol khai mo tŭ do.” Mơ bol khai tơmbic să blup mat tòm ù.

Khà Làng Bol 14:5

Gen Môise mơ Arôn bic blup mat tòm ù di đap jơh mpồl jơnum cau Israel dê neh pơjum tềng hơ̆.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Jeremi 4:10

Gen añ đơs: “Ôih! Khoai Jehôwa Yàng Tom Trồ! Ngan Yàng neh pơrlồm làng bol do mơ Jerusalem, mơ đơs lah: ‘Bol mê rơp geh lơngap lơngai,’ bulah đào neh ơm di ngko bol hi!”

Ejra 9:5

Di di tŭ ơn phan duh khoai mho, añ ñă ntào bơh di tiah ơt sa añ jê, ào dơlam mơ ào jrùh añ jê neh gơcrè, añ cùn gơltang pò tê hơ Jehôwa Yàng Tom Trồ añ jê,

Yal Wơl 9:18

Lồc behơ̆, dô dơ̆ tai añ cùn khoai di đap Yàng Jehôwa tòm poan jơt ngai mơ poan jơt mang; añ ò sa piang lă kung ò hùc dà sơl, tài bơh jơh ală bơta tồi glài mơ bol mê neh lơh tìs, lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ.

Khà Làng Bol 16:4

Tòm tŭ Môise neh kơno ală jơnau hơ̆, khai tơmbic să blup mat di ù.

Sơnròp Gơlik Gơs 18:23

Abraham lòt tus rềp mơ lùp lah: “Kơnràñ rơp tơnroh cau song ring bal mơ cau iơh bơsak sơl ơ?

Ejekiel 7:8

Añ rơp tuh bơta gơjrañ dờng Añ jê hơđang mê, mơ ràng tơlik bơta gơhào gơjrañ Añ jê tòmdră mơ mê; Añ rơp cahrña mê jat bơta lơh lòt mê dê mơ tơm wơl mê in jat ală bơta iơh mơ mê neh lơh.