Ejekiel 9:5 - Sră Goh 2018

⁵ Lồc behơ̆ Kơnràñ đơs mơ ală cau ne tòm tŭ añ ơm iat lah: “Lòt jat tĕ khai tòm làm jơh ƀòn dờng mơ sreh tơnchơt, mat mê rơp ò càng pơlai mơ nđàc sơngit.

Ejekiel 9:5 Referans Kwoze

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 24:14

Añ la Yàng Jehôwa neh đơs; tŭ jơ neh tus, Añ rơp lơh broă. Añ rơp ò nđàc sơngit, Añ rơp ò ruc wơl; Añ rơp ò gơn tai. Jat be ală gùng dà ai dê mơ broă ai neh lơh, Añ rơp cahrña ai,’ Jehôwa Yàng Tom Trồ đơs behơ̆.”

Ejekiel 9:10

Behơ̆, Añ rơp ò nđàc sơngit di bol khai hala pơlai bol khai ò; mơya Añ rơp tuh wơl hơđang bồ bol khai dê bơta bol khai neh lơh.”

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Ejekiel 7:4

Mat Añ rơp ò nđàc sơngit di mê hala pơlai di mê ò; Añ rơp lơh glài mê jat ală gùng dà mê dê, tòm tŭ ală bơta cù kìr gam gơs digùl bol mê. Gen mê rơp git Añ la Yàng Jehôwa.’

Esai 22:14

Să tòm Yàng Jehôwa Gơnap Gơnoar Dờng neh yal tơlik bơta do tòm tồr añ lah: “Nền ngan la tồi glài do rơp ò geh toh bol mê in jơl tus di tŭ bol mê chơt.” Jehôwa Yàng Tom Trồ Gơnap Gơnoar Dờng đơs behơ̆.

Esai 5:9

Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

I Ală Bơtau 18:40

Eli đơs mơ bol khai lah: “Kup tĕ jơh ală cau gơnoar hwơr Baal dê, bañ lòi klàs dô nă lơi.” Gen cau Israel kup bol khai, Eli cèng bol khai mù hơ croh Kisôn, mơ tơnchơt bol khai tềng hơ̆.

I Samuel 9:15

Mơ tai tòm ngai lài mơ tŭ tus Sol, Yàng Jehôwa neh yal tơlik Samuel in git lah:

Lik Ejiptơ 32:27

Gen khai đơs mơ bol khai lah: “Yàng Jehôwa la Yàng Tom Trồ Israel dê neh đơs be do: ‘Kòp nă kơt tĕ dô nơm đào di wĕ he. Lòt rê ma kiau tòm sàl, bơh đah do tus hơ đah ne, mơ kòp nă sreh tơnchơt tĕ oh mi, cau bơyô mơ cau ơm rềp mơ he.’”

Esai 13:18

Àtak bol khai dê rơp tơnchơt ală cau pơnu, bol khai ò nđàc sơngit di kòn se, gar mat bol khai ò nđàc di ală kòn dềt.

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Ejekiel 43:3

Bơta gơtơnggŏ añ neh gŏ hơ̆ tòm toh be bơta gơtơnggŏ mơ añ neh gŏ tòm tŭ Kơnràñ tus nàng tơnroh ƀòn dờng, mơ kung be ală bơta gơtơnggŏ mơ añ neh gŏ di gah hiòng Kebar, mơ añ gơpừ blup mat tòm ù.