Ejekiel 8:16 - Sră Goh 2018

¹⁶ Tơnơ̆ mơ hơ̆, Kơnràñ cèng añ mut tòm rơng đah dơlam hìu Yàng Jehôwa dê; mơ tềng hơ̆, di di gùng mut tòm hìu duh khoai Yàng Jehôwa, digùl mpồng rơng mơ cơnòng duh khoai, añ gŏ gơs pơgap bàr jơt pram nă cau klau. Bol khai wèt ngkòi hơ đah hìu duh khoai Yàng Jehôwa mơ wèt mat hơ đah mattơngai lik, bol khai cùn khoai mattơngai đah mattơngai lik.

Ejekiel 8:16 Referans Kwoze

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.

Jeremi 32:33

Bol khai ò wèt mat mơ Añ, mơya wèt ngkòi. Bulah Añ neh bơto sồr bol khai, guh gòñ mơ bơto tơngkah, mơya bol khai ò bài iat, ò dòp bơta bơto sồr.

Yal Wơl 17:3

duh khoai ală yàng ndai, mơ cùn khoai bol gơ hala mattơngai hala mat kơnhai hala ală sơmañ hơđang trồ, la ală bơta añ ò sồr,

Ejekiel 11:1

Gen Hwềng yò tơngguh añ mơ cèng añ tus di mpồng dờng đah mattơngai lik hìu Yàng Jehôwa dê, wèt hơ đah mattơngai lik.Tềng hơ̆, di gùng mut tòm mpồng dờng gơs bàr jơt pram nă cau klau; digùl bol khai, añ gŏ gơs Jaajania kòn klau Ajur, mơ Phelatia kòn klau Benayah, la ală cau kwang at bồ làng bol.

Jeremi 2:27

Bol khai đơs mơ dô nơm chi lah: ‘Kơnràñ la bèp añ,’ mơ đơs mơ lŭ lah: ‘Kơnràñ neh tơnggơs añ.’ Bơh bol khai neh wèt ngkòi hơ Añ, Mơ ò di la muh mat bol khai dê. Mơya, tòm tŭ rung rài, bol khai đơs lah: ‘Tus tĕ, dong kòl bol hi!’

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Ejekiel 43:5

Gen Hwềng yò añ tơngguh mơ cèng añ mut tòm ƀlàng dơlam; mơ bơta gơklŏ Yàng Jehôwa dê bềng lìu hìu duh khoai.

Ejekiel 45:19

Cau gơnoar ơn phan duh khoai ai mhàm bơh phan ơn tơwài glài mơ bong gơ hơđang ală jrong mpồng hìu duh khoai dê, hơđang poan mum pơnah bơtơl hơđang cơnòng ơn phan duh khoai, mơ hơđang ală jrong ală mpồng ƀlàng dơlam dê.

Ejekiel 40:28

Gen khai cèng añ tus tòm ƀlàng dơlam bơh mpồng dờng đah đơm, mơ khai was mpồng pơnggàr đah đơm, gơ gơs dờng ơnàng ndròm bal mơ gơp.

Ejekiel 10:3

Tòm tŭ khai mut gen ală ceruƀim ñă ntào di đah hơđơm hìu duh khoai; mơ dô puk mhwal bềng rơng dơlam hìu.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

II Yal Yau 29:6

Bơh ồng pàng bol he dê neh ò dòn song mơ neh lơh bơta iơh di đap mat Jehôwa Yàng Tom Trồ bol he dê. Bol khai neh sang lòi Kơnràñ, mơ neh wèt muh mat bol khai dê ngài bơh di tiah ơm sùm sùm Yàng Jehôwa dê mơ wèt ngkòi bol khai dê.

II Ală Bơtau 23:11

Khai kung tă sang ală rùp ơseh mơ ală bơtau Juda neh ơn mattơngai in, di mpồng mut tòm hìu duh khoai Yàng Jehôwa, di ơdŭ cau kwang kriau Nathan Melek dê, tiah hơ̆ neh cang mơ pơnggàr, gen khai chu ală rơndeh ơn mattơngai in jơh tòm ồs.

II Ală Bơtau 23:5

Bơtau kung bơtrơh ală cau gơnoar ơn phan duh khoai ală yàng rùp ràk mơ ală cau bơtau Juda neh bơtào gơs, nàng chu kơlhô hơđang ală tiah jơnhoa tòm ală ƀòn Juda mơ tòm ală tiah gùt dar Jerusalem; kung bơtrơh ală cau gơnoar ơn phan pơdơng Baal, mattơngai, mat kơnhai, mơ jơh ală sơmañ hơđang trồ in.

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

II Yal Yau 7:7

Salômôn ơn is tiah digùl ƀlàng di đap hìu duh khoai Yàng Jehôwa dê, mơ tềng hơ̆ khai ơn ală phan ơn chu ơn dơngi ală phan ơn bơta ring lơngai, tài bơh cơnòng mơ kòng ơn phan duh khoai mơ khai neh lơh gơs ò rgơi ơn jơh ală phan ơn chu pơrguc, ală phan ơn mơ kòi mbo mơ ală pơnah dơngi.

II Ală Bơtau 16:14

Ai cơnòng duh khoai mơ kòng neh ơm di đap Yàng Jehôwa, gen khai tă cèng bơh di đap hìu duh khoai, digùl cơnòng duh khoai pa mơ hìu duh khoai Yàng Jehôwa dê, mơ ơn gơ đah đang cơnòng duh khoai khai dê.

I Ală Bơtau 8:29

mơ mat Yàng pò sùm mang mơ ngai wèt sền di hìu do, la tiah mơ Yàng neh đơs lah: ‘Sơnđan Añ rơp ơm tềng hơ̆,’ nàng iat jơnau hòi dan ală dĭ gơna Yàng dê wèt di tiah do.

Ejekiel 8:15

Kơnràñ đơs mơ añ lah: “Ơ kòn mơnus, mê gŏ sơl bơta hơ̆? Mê rơp sền gŏ ală bơta cù kìr rlau mơ hơ̆ tai.”

Ejekiel 23:39

Tòm ngai mơ bol khai neh tơnchơt kòn bol khai dê lơh gơs phan ơn rùp ràk bol khai in, bol khai mut tòm tiah sàng goh Añ jê mơ lơh tiah hơ̆ in gơlik ngkòr ngkàc. Hơ̆ la bơta bol khai neh lơh tòm hìu Añ jê.

Ejekiel 40:6

Gen khai lòt tus di mpồng pơnggàr đah mattơngai lik. Khai cơnđòa digùl ală kơnă ntùng mơ was ròc mpồng pơnggàr dê; gơ jrô dô gai.

Ejekiel 43:8

Tòm tŭ bol khai ơn mpồng bol khai dê di gah mpồng Añ jê, mơ ơn jrong mpồng bol khai dê di gah jrong mpồng Añ jê, gơs mìng dô nơm dơrñang lơm digùl Añ mơ bol khai, bol khai lơh ƀơ̆ iơh sơnđan sàng goh Añ jê bơh ală broă lơh cù kìr bol khai dê. Behơ̆ gen Añ tơnroh bol khai tòm bơta gơjrañ Añ jê.

Ejekiel 46:1

Jehôwa Yàng Tom Trồ đơs be do: “Mpồng tòm ƀlàng dơlam wèt hơ đah mattơngai lik pal kal wơl tòm prau ngai lơh broă, mơya tòm ngai Saƀat mơ tòm ngai Dùl Lik pal pò gơ.

II Ală Bơtau 21:5

Khai bơt ală cơnòng duh khoai kòp nơm rùp hơđang trồ, tòm bàr bă tiah ơdŭ mpang hìu duh khoai Yàng Jehôwa dê.

Jeremi 7:18

Kòn dòñ lòng, bèp sing ồs, mơ ală cau ùr bơcă kơmbuh, nàng lơh ƀañ ơn bơtau ùr hơđang trồ, mơ bol khai tuh phan ơn pơdơng ñô ală yàng ndai in, nàng bơrcek Añ gơjrañ.”

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Ejekiel 7:23

Rcang tĕ ală che sreng tài bơh lơgar gơs bềng bơta lơh gơtuh mhàm, mơ ƀòn dờng gơs bềng bơta rhung rhang.