Ejekiel 7:11 - Sră Goh 2018

¹¹ Bơta jàñ bơsak neh hòn dờng mơ gơlik gơs gai lồng nàng lơh glài bơta iơh bơsak; ò gơs dô nă cau lơi tòm làng bol gam wơl, ò gam dô nă cau lơi tòm mpồl bol khai dê, ò gam phan mơna, ò gam phan lơi kas màng.

Ejekiel 7:11 Referans Kwoze

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Ejekiel 7:23

Rcang tĕ ală che sreng tài bơh lơgar gơs bềng bơta lơh gơtuh mhàm, mơ ƀòn dờng gơs bềng bơta rhung rhang.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Mice 3:3

la cau sa poac làng bol Añ jê, klò gơltau bol khai dê mơ dơrpă ală ntìng bol khai dê gơlik rpot rpet; Bol mê la cau tơcoh bol khai kung be poac tòm glah, kung be poac tòm chàng taih?”

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Amôs 6:3

Bol mê sang ngài tĕ ngai iơh bơsak, mơ cèng tus rềp dô gơnoar at bồ jàñ bơsak.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Ejekiel 7:2

“Ơ kòn mơnus, Jehôwa Yàng Tom Trồ đơs mơ lơgar Israel be do: ‘Bơta lồi dut! Bơta lồi dut neh tus di poan mum lơgar!

Ejekiel 6:11

Jehôwa Yàng Tom Trồ đơs be do: “Tàp tĕ tê mơ ntrơm tĕ jơng mơ hòi driau lah: ‘Ơ hơh! Hơ̆ la tài bơh jơh ală bơta iơh mơ broă lơh cù kìr hìu Israel dê! Bơh khai rơp pừ chơt bơh đào, jơgloh rung mơ pluh plàng.’

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 5:4

Kung ai tĕ dô êt tòm ală sŏ hơ̆, sơrbì gơtòm ồs mơ chu gơ; bơh hơ̆ dô nơm ồs rơp lik tòmdră mơ jơh hìu Israel.

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 22:18

Gen tàng, bơh Jehôyakim, kòn klau Jôsia, bơtau Juda dê, Yàng Jehôwa đơs be do: “Cau rơp ò ñìm khai in lah: ‘Ơ oh mi añ!’ hala ‘Ơ ruh añ!’ Kung rơp ò pơt wòl khai lah: ‘Ơ hơh! Ơ yàng añ’ hala ‘Ơ hơh! Bơta gơklŏ kơnràñ dê!’

Jeremi 6:7

Kung be tơrlung dà prap dà mrềt pa be lơi, Gen gơ kung prap ală bơta iơh bơsak pa behơ̆ sơl. Bơta iơh bơsak mơ bơta phà tơnroh geh kơno tòm hơ̆; Kòp jê mơ sồt rmàñ ơm sùm di đap Añ.

Esai 14:29

“Ơ jơh ală cau Philistin, bañ hòn chò tài bơh gai pù ơlih bol mê neh pă; bơh di jơi bơs hơ̆ rơp tơnggơs dô nơm bơs prào, bơh hơ̆ rơp tơnggơs dô nơm bơs ồs dờng par.

Esai 9:4

Kung be tòm ngai Midian kong lơh alah, Yàng neh tă yô kơnjơ̆ bol khai neh àñ, tă mơng lơh glài cau kơt gan hơđang pơnì bol khai, mơ gai pù ơlih bơh di cau rồn bơklơn bol khai.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Đơs Crih 78:64

Ală cau gơnoar ơn phan duh khoai bol khai dê kong chơt mơ đào, Mơ ală cau ùr bơnrau ò ñìm rac.

Đơs Crih 73:8

Bol khai dơñŏ tơnhial, đơs jơnau iơh bơsak; Bol khai pơnhừ să mơ đơs pơhìn rồn bơklơn;

Đơs Crih 125:3

Bơh gai gơnoar at bồ cau iơh bơsak dê rơp ò geh ơn hơđang ù tiah gơrê bal mơ cau song ring nàng cau song ring ò pò tê bol khai dê lơh bơta tìs.

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Ejekiel 45:9

Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”