Ejekiel 5:10 - Sră Goh 2018

¹⁰ Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Ejekiel 5:10 Referans Kwoze

Sacari 2:6

Yàng Jehôwa đơs lah: “Guh tĕ! Guh tĕ! Dô tĕ bơh di lơgar đah đang; bơh Añ neh rsìh bol mê hơ tiah ngài be poan đah càl hơđang trồ.” Yàng Jehôwa đơs behơ̆.

Ejekiel 12:14

Añ rơp rsìh tòm ală càl jơh ală cau ơm gùt dar khai la mpồl cau kwang at bồ bal mơ khai, mơ ală mpồl ling khai dê, mơ Añ rơp tă đào mơ ting jat bol khai.

Jeremi 19:9

Añ rơp lơh bol khai in sa poac kòn klau kòn ùr he dê, mơ kòp nă sa poac cau bơyô he dê tòm tŭ gơkòl gơrwàng, mơ tòm bơta dồn sa rƀah la tŭ cau sò tơm mơ ală cau kòñ jòi bơta kis bol khai dê lơh bol khai in jê sồt.’

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Lebi 26:29

Bol mê rơp sa poac ală kòn klau bol mê dê mơ poac ală kòn ùr bol mê dê.

Ejekiel 36:19

Añ neh lơh gơprah gơpring bol khai digùl ală làng bol, mơ bol khai neh kong rsìh tòm ală lơgar; Añ neh cahrña bol khai jat bơta lơh lòt bol khai dê

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Đơs Crih 44:11

Yàng neh lơh bol hi in be belàt cau cèng lơh poac, Mơ neh lơh bol hi in nrah nring tòm ală lơgar.

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Amôs 9:9

“Bơh Añ rơp ai jơnau sồr, mơ Añ rơp nggum hìu Israel digùl jơh ală làng bol, mơya ò gơs dô gơnar lơi rơp rung di ù.

Ejekiel 22:15

Añ rơp lơh ai in gơprah gơpring digùl ală làng bol, mơ Añ rơp rsìh ai tòm ală lơgar; mơ pơndut tơnlồi bơta ƀơ̆ ƀơl ai dê.

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ñìm Rac 4:10

Tê bơta nđàc sơngit ală cau ùr dê, gơm sin ală kòn tòm he dê, Lơh gơs phan sa bol khai in tòm bơta tơrlah tơrlơm làng bol añ jê.

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Ejekiel 20:23

Añ kung neh pò tê srat să mơ bol khai tòm ƀlàng ngềt ngơt lah Añ rơp lơh bol khai in gơprah gơpring digùl ală làng bol mơ nrah nring tòm ală lơgar,

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 44:12

Añ rơp ai cau Juda gam wơl, hơ̆ la ală cau neh lơh nền lòt hơ Ejiptơ nàng ơm tềng hơ̆; jơh tơl nă bol khai rơp kong tơnroh tềng hơ̆. Tòm Ejiptơ, bol khai rơp chơt bơh bơta kơlìn hala jơgloh rung, cau dềt bal mơ cau dờng rơp chơt bơh đào mơ jơgloh rung, lơh kai cau in dơñŏ tơnhial, cù kìr, sền òsơp.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 9:20

bol khai rơp sa roh đah ma, mơya gam jơgloh; bol khai rơp sa loan đah kiau, mơya ò hòm lai. Kòp nă rơp sa poac kòn sau he dê.

Nehemi 1:8

Dan kah jơnau Kơnràñ neh sồr Môise, dĭ gơna Kơnràñ dê lah: ‘Dilah bol mê ò dòn song, gen Añ rơp rsìh bol mê digùl ală làng bol.

II Ală Bơtau 6:29

Behơ̆, bol hi neh gơm poac kòn klau añ mơ sa. Ngai hìng añ neh đơs mơ khai lah: ‘Ai tĕ kòn klau ai, tồ bol he sa poac khai.’ Mơya khai neh pồn kòn klau khai.”

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 49:32

Ală làkđa bol khai rơp lơh gơs phan phà kup, Mpồl phan poan jơng bol khai rơp lơh gơs phan tòmpìt ai. Añ rơp lơh gơprah gơpring hơ ală jơng trồ Ală cau koah sŏ bìng liang; Añ rơp cèng bơta rung rài bơh làm bă tiah tus hơđang bol khai.” Yàng Jehôwa đơs behơ̆.

Jeremi 49:36

Añ rơp lơh poan gah càl bơh poan đah mum trồ khồm tus tòmdră mơ Elam, rơp lơh nrah nring bol khai tus kòp đah càl hơ̆, bơh ò gơs lơgar lơi mơ ò gơs cau Elam kong kup cèng tus.

Ñìm Rac 4:3

Bulah ală so rhau kung ai toh tơmpô kòn he; Mơya làng bol añ jê gơlik gơs jàñ bơsak kung be sềm làkđa ơm tòm ƀlàng ngềt ngơt.

Ejekiel 17:21

Jơh ală mpồl ling ntoat dô khai dê rơp gơpừ hơđơm lơmpiat đào, mơ ală cau gam kis rơp kong nrah nring tòm poan đah càl. Gen bol mê rơp git Añ la Yàng Jehôwa neh đơs behơ̆.’”

Ñìm Rac 4:16

Să tòm Yàng Jehôwa neh lơh nrah nring bol khai, Kơnràñ ò wèt sền bol khai tai; ò gam gơs bơta ki ngàm di cau gơnoar ơn phan duh khoai, kung ò nđàc di ală cau kra sơl.

Ejekiel 12:15

Tòm tŭ Añ lơh gơprah bol khai digùl ală làng bol, mơ rsìh bol khai tòm ală lơgar, bol khai rơp git Añ la Yàng Jehôwa.

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.