Ejekiel 44:4 - Sră Goh 2018

⁴ Gen cau hơ̆ neh cèng añ tus di đap hìu duh khoai bơh gùng mpồng pơnggàr đah đang. Añ rmê sền mơ neh gŏ bơta gơklŏ Yàng Jehôwa dê ơm bềng lìu tòm hìu duh khoai Yàng Jehôwa dê, mơ añ gơpừ gơcup blup mat tòm ù.

Ejekiel 44:4 Referans Kwoze

Ejekiel 1:28

Bơta àng gơcrà gùt dar cau hơ̆ la tòm toh kung be dô nơm bơrlangkang tòm mhwal tòm ngai gơs mìu. Hơ̆ la bơta ràng tơlik bơh bơta gơklŏ Yàng Jehôwa dê. Tòm tŭ añ sền gŏ bơta hơ̆, añ tơmbic să blup mat tòm ù, mơ añ kơno sap dô Bơtau đơs mơ añ.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Ejekiel 3:23

Behơ̆ añ ñă ntào mơ lik lòt tus hơ thòng. Ne, bơta gơklŏ Yàng Jehôwa dê gơs tềng hơ̆, kung be bơta gơklŏ añ neh gŏ di gah hiòng Kebar, mơ añ gơcup blup mat tòm ù.

Ejekiel 40:20

Gen khai was gah jòng mơ gah ơnàng mpồng pơnggàr wèt hơ đah đang, lam tus hơ ƀlàng bơdìh.

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Ejekiel 40:40

Đah bơdìh ƀlàng rơng rềp tiah guh hơ gùng mpồng pơnggàr đah đang dê, gơs bàr nơm cơnòng ơn phan, đah ne ƀlàng jơng gùng mpồng pơnggàr kung gơs bàr nơm cơnòng ơn phan.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Ejekiel 10:4

Gen bơta gơklŏ Yàng Jehôwa dê gơguh bơh hơđang ceruƀim mơ gơ lòt tus di di đap mpồng hìu duh khoai. Hìu duh khoai bềng mhwal, mơ rơng hìu bềng àng gơcrà bơta gơklŏ Yàng Jehôwa dê.

Đơs Crih 89:7

Kơnràñ la Yàng Tom Trồ cau pal rngòt ngan tòm mpồl jơnum ală cau sàng goh dê, La Bơtau dờng mơ cau pal rngòt rngơt rlau mơ jơh ală cau ơm gùt dar Kơnràñ.

Sơnròp Gơlik Gơs 17:3

Gen Abram tơmbic să tòm ù, mơ Yàng Tom Trồ đơs mơ khai lah:

Ejekiel 8:14

Gen Kơnràñ cèng añ tus di gùng mut tòm mpồng dờng đah đang hìu Yàng Jehôwa dê mơ añ gŏ ală cau ùr ơm nggui ñìm bơh yàng Tammus.

Ejekiel 40:35

Gen khai cèng añ tus hơ gùng mpồng pơnggàr đah đang mơ was gơ. Gơ jòng mơ ơnàng ndròm bal mơ ală mpồng pơnggàr ndai,

Daniel 8:17

Gabriel tus rềp di tiah añ ntào; tòm tŭ khai neh tus rềp gen añ rngòt ngan mơ gơpừ cup blup mat tòm ù. Khai đơs mơ añ lah: “Ơ kòn mơnus, git wă tĕ; bơh bơta gơtơnggŏ hơ̆ gơ tơrgòm ală bơta gơwèt hơ tŭ tơngai lồi dut.”