Ejekiel 4:1 - Sră Goh 2018

¹ “Ai mê, ơ kòn mơnus, ai tĕ dô nơm gac, ơn gơ di đap mê, mơ cih rùp ƀòn dờng Jerusalem hơđang hơ̆.

Ejekiel 4:1 Referans Kwoze

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Sră Ôse 12:10

Añ la Jehôwa Yàng Tom Trồ mê dê, la Bơtau neh cèng mê lik bơh lơgar Ejiptơ; Añ rơp lơh mê in ơm tai tòm ală sàl, kung be tòm ală ngai pơjum sa neh geh lơh nền.

Jeremi 32:31

Ƀòn dờng do neh lơh kai Añ in gơhào gơjrañ, bơh tŭ pa bơtào gơs jơl tus ngai do. Gen tàng, Añ kòñ tă tơlik gơ ngài bơh di đap Añ,

Jeremi 6:6

Bơh Yàng Jehôwa Gơnap Gơnoar đơs be do: “Kơl tĕ ală chi khai dê; mơ bơt bơtào tiah gơrwàng tòmdră mơ Jerusalem! Do la ƀòn pal kong lơh glài; Digùl gơ ò gơs bơta lơi rlau mơ ală bơta rồn bơklơn.

Ejekiel 21:19

“Ơ kòn mơnus, lơh tĕ tềl sơnio bàr nơm gùng nàng đào bơtau Babilôn dê lòt jat, bàr nơm gùng hơ̆ rơp sơntòm bơh di dô nơm lơgar. Sơntơp tĕ jrong lơh tềl di ală sơnah gùng lam tus hơ ƀòn dờng.