Ejekiel 39:4 - Sră Goh 2018

⁴ Mê rơp gơpừ hơđang ală mơnơm Israel dê, mê bal mơ jơh ală mpồl ling mê dê, mơ jơh ală làng bol lòt jat mê tai sơl. Añ rơp phi mê lơh gơs phan sa jơh ală jơi sềm sa poac mơ jơi phan poan jơng tòm brê.

Ejekiel 39:4 Referans Kwoze

Ejekiel 33:27

Đơs tĕ bơta do mơ bol khai lah: Jehôwa Yàng Tom Trồ đơs be do: ‘Ngan be Añ kis, ală cau gam ơm tòm tiah sang lòi ngềt ngơt rơp gơpừ bơh đào, mơ ală cau ơm tòm ƀlàng gen Añ rơp jào phan brê in kap crè; mơ ai ală cau ơm tòm ală theng kơ̆ cê mơ tòm ală rgồng lŭ gen rơp chơt pluh.

Ejekiel 38:21

Jehôwa Yàng Tom Trồ đơs lah: ‘Añ rơp hòi đào tus tòmdră mơ Gok hơđang jơh ală mơnơm Añ jê. Kòp nă rơp tơrwơl đào tòmdră mơ oh mi he.

Ejekiel 29:5

Añ rơp sơrbì mê tòm ƀlàng bràs, mê bal mơ jơh ală ka tòm ală hiòng dà mê dê. Mê rơp gơpừ hơđang ƀlàng dờng mơ rơp ò geh tơrgòm wơl hala dòñ wơl. Añ rơp lơh mê in gơlik gơs phan sa ală jơi phan poan jơng hơđang ù mơ jơi sềm par tòm pah gòi.

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Esai 14:24

Yàng Jehôwa Gơnap Gơnoar Dờng neh srat să lah: “Di ngan, bơta Añ neh rơndap gen rơp gơlik gơs, bơta Añ lơh nền gen rơp ntào kơ̆.

Esai 14:25

Añ rơp dơrpă cau Asiri tòm lơgar Añ; Añ rơp jă lề khai hơđang ală mơnơm hơđơm jơng Añ jê. Yô khai dê rơp geh hồ tă bơh di làng bol Añ jê, mơ ơnòng kơnjơ̆ khai dê geh tă bơh di pơnì bol khai dê.”

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Ejekiel 35:8

Añ rơp lơh ală mơnơm gơ dê bềng ƀồc ală cau kong tơnchơt; ală cau gơkòl sreh tơnchơt bơh đào rơp gơpừ hơđang ală dòr mê dê, tòm ală thòng mơ tòm jơh ală croh dà mê dê.

Ejekiel 39:5

Mê rơp gơpừ tòm ƀlàng sre be Añ neh đơs,’ Jehôwa Yàng Tom Trồ đơs behơ̆.

Nahum 3:3

Ling hào ơseh brồ lơh, đào mơ tà àng gơcrà! Oă ngan cau gơplơ̆ chơt, oă gơnru ƀồc chơt, ƀồc ò jai kòp. Làng bol gơtup pừ hơđang ală ƀồc chơt!