Biblia Todo Logo
Bib sou entènèt

- Piblisite -




Ejekiel 39:10 - Sră Goh 2018

10 Bol khai rơp ò càng jòi lòng tòm ƀlàng hala koh lòng tòm brê, tài bơh bol khai ngui phan tòmlơh nàng sing ồs; bol khai rơp phà sơmbrơt ală cau neh phà sơmbrơt bol khai, mơ tòmpìt ai ală cau neh tòmpìt ai bơh di bol khai, Jehôwa Yàng Tom Trồ đơs behơ̆.’”

Gade chapit la Kopi




Ejekiel 39:10
13 Referans Kwoze  

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.


Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.


Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.


Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.


Dilah neh lơh nền cau lơi pal kòl kup cèng, gen cau hơ̆ rơp kong kup cèng; dilah cau lơi pal kong chơt mơ đào, gen khai pal kong sreh chơt mơ đào sơl. Do la bơta kong ơt mơ bơta dòn ală cau sàng goh dê.


Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.


Ơ Yàng Jehôwa, Kơnràñ neh gơhào gơjrañ di ală hiòng dà sơl ơ? Bơta gơjrañ dờng Kơnràñ dê tòmdră di ală hiòng dà sơl ơ? Kơnràñ neh gơhào gơjrañ di ală dàlềng. Tòm tŭ Kơnràñ hào ală ơseh mơ rơndeh lòs tòmlơh pha lin rlau sơl ơ?


Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.


Yàng Jehôwa neh lơh làng bol in geh bơta nđàc di đap cau Ejiptơ, gen tàng cau Ejiptơ ai bol khai in phan lơi bol khai dan; cau Israel tă ai phan bơh di cau Ejiptơ la behơ̆.


Kòp nă cau ùr rơp lùp dan cau gơp ƀòn mơ cau ùr lơi ơm tòm hìu khai dê, ai bol khai in ală phan lơh mơ priă mơ màh, mơ ồi ào nàng tơnsoh ală kòn klau mơ ală kòn ùr bol mê dê. Behơ̆, bol mê rơp hồ ai jơh phan mơna cau Ejiptơ dê.”


“‘Tòm ngai hơ̆, Añ rơp ai Gok in dô bă tiah tơp ƀồc tòm Israel, tòm thòng ală cau lòt gùng hơ đah mattơngai lik tus hơ dàlềng. Tiah tơp ƀồc hơ̆ rơp kơryan ală cau lòt gùng tài bơh Gok mơ jơh ală mpồl làng bol khai dê rơp tơp tềng hơ̆. Behơ̆ gơ rơp geh sơnđan la Thòng Hamon Gok dê


Juda kung rơp tòmlơh tòm Jerusalem. Phan mơna jơh ală lơgar ơm gùt dar rơp pơjum tơrgòm bal, gơs oă ngan màh, priă mơ ồi ào.


Swiv nou:

Piblisite


Piblisite