Ejekiel 30:3 - Sră Goh 2018

³ Bơh ngai hơ̆ tus rềp rau, ngai Yàng Jehôwa dê tus rềp rau, hơ̆ la ngai gơs oă mhwal, la tŭ tơngai bòl glar ală làng bol in.

Ejekiel 30:3 Referans Kwoze

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 30:18

Tòm Tahphanes, trồ ngai rơp gơlik jơngo cik, tòm tŭ Añ dơrpă gơnoar at bồ Ejiptơ dê; bơta pràn kơldang mơ gơ jòng să rơp lồi. Ƀòn dờng rơp kòl jơm gòm bơh dô puk mhwal, mơ ală kòn ùr gơ dê rơp kong kup cèng pơrdô.

Ejekiel 7:12

Tŭ jơ neh tus, ngai neh tus rềp. Bañ lòi cau blơi chò hòp hala cau tac moat jrùng, bơh gơs bơta gơjrañ dờng neh dùh hơđang jơh mpồl làng bol.

Ejekiel 7:7

Ơ làng bol ơm tòm lơgar, bơta rung rài neh tus hơđang bol mê. Tŭ neh tus, ngai neh rềp; gơs bơta rngòt rngơt, ò gŏ bơta chò hòp hơđang ală mơnơm.

Sôphôni 1:14

“Ngai dờng Yàng Jehôwa dê neh tus rềp, neh tus rềp mơ tus mhar. Ntas sap ñìm sràt bơtang tòm ngai Yàng Jehôwa dê, ală cau ling tòmlơh driau dờng tềng hơ̆.

Sôphôni 1:7

Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Ejekiel 32:7

Tòm tŭ Añ tơnroh mê gen añ rơp jơm ală tap trồ mơ lơh jơngo ală sơmañ gơ dê; Añ rơp ai mhwal cang kìng mattơngai, mơ mat kơnhai rơp ò tai pơnđàng bơta àng gơ dê.

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”

Jakơ 5:9

Ơ oh mi, bañ yoam pơrhiat di gơp, tồ klàs di bơta cahrña; ne, Bơtau cahrña ơm di bơr mpồng.

Philip 4:5

Ai tĕ jơh ală cau in git bơta kong ơt oh mi dê. Yàng neh rềp rau.

Mathiơ 24:33

Kung behơ̆ sơl, tòm tŭ bol mê gŏ jơh ală broă hơ̆, git tĕ lah Kòn Mơnus mòr tus, gam ơm di đap mpồng.

Ejekiel 29:12

Añ rơp lơh lơgar Ejiptơ gơlik gơs dô nơm lơgar srau gòi ơm digùl ală lơgar srau gòi, mơ ală ƀòn dờng gơ dê rơp ơm srau gòi tòm poan jơt sơnam digùl ală ƀòn dờng tơrlah tơrling. Añ rơp lơh nrah nring cau Ejiptơ tòm ală làng bol, mơ rsìh bol khai tòm ală lơgar.

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Đơs Crih 110:6

Kơnràñ rơp lơh gơs bơta cahrña digùl ală làng bol, lơh làm jơh bềng lìu ƀồc chơt; Kơnràñ rơp bơcah lề ală cau at bồ tòm làm jơh plai ù.

Đơs Crih 37:13

Mơya Yàng Jehôwa dơñŏ di cau iơh bơsak, Bơh Kơnràñ gŏ ngai lơh glài khai mòr tus.

Lik Ejiptơ 14:24

Tòm àng drim, Yàng Jehôwa bơh di jrong ồs mơ mhwal tơmềt sền gŏ mpồl ling Ejiptơ gen Kơnràñ lơh bol khai in sơlồng sơlàng.

Lik Ejiptơ 14:20

ơm digùl mpồl ling Ejiptơ mơ Israel. Jrong mhwal lơh jơngo đah do in, mơ cèng bơta àng đah ne in; gen tàng jơh dô mang ò gơs đah lơi rgơi tus rềp mơ gơp.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Ejekiel 13:5

Bol mê ò lòt tus di ală tiah tơrlah dơrñang dê nàng bơt wơl dô nơm dơrñang hìu Israel in, nàng gơ rơp ntào kơ̆ tòm bơta tòmlơh tòm ngai Yàng Jehôwa dê.

Esai 13:9

Do, ngai Yàng Jehôwa dê tus, iơh rmơh, bal mơ bơta gơjrañ dờng mơ gơhào gơjrañ, nàng lơh plai ù in gơlik gơs dô bă tiah srau gòi, mơ tơnroh ală cau tồi glài tòm hơ̆.

Jeremi 25:31

Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!