Ejekiel 3:21 - Sră Goh 2018

²¹ Mơya, dilah mê neh bơto pơhìn cau song ring bañ tìs glài mơ khai ò tìs glài, gen ngan khai rơp kis tài bơh neh iat jơnau bơto pơhìn; mơ mê gen geh dong klàs să tòm he.”

Ejekiel 3:21 Referans Kwoze

I Timôthe 4:16

Kơrmap gàr tĕ să tòm mê mơ bơta bơto sồr mê dê; pal kơ̆ wền tĕ tòm ală bơta hơ̆, tài bơh lơh behơ̆ gen rơp dong klàs să tòm mê bal mơ ală cau iat mê sơl.

Jakơ 5:20

gen pal git lah cau lơi tề lam cau glài rê wơl sang gùng tìs nrah, hơ̆ la dong hwềng soàn khai klàs bơh bơta chơt mơ jơm ndơp oă tồi glài.

Sră Pơyoa Pol Dê Pơyoa Tit In 2:15

Bơto tĕ ală bơta hơ̆, bơto tơngkah mơ lah pơrhơng dô bă gơs gơnoar wil tơl. Bañ lòi cau lơi sền òsơp di mê.

I Kôrintô 4:14

Añ cih ală jơnau do ò di nàng lơh ală oh mi in ƀàssìl, mơya nàng bơto tơngkah ală oh mi be ală kòn kòñ gơboh añ jê.

Jơnau Pơnđik 9:9

Bơto tơngkah tĕ cau jak chài, gen bol khai rơp geh jak chài rlau; Bơto sồr tĕ cau song ring, gen bol khai rơp geh bơtơl bơta git wă.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Đơs Crih 19:11

Rlau mơ hơ̆, ală bơta hơ̆ kung bơto cau duh broă Yàng in git wă loh; Cau lơi prap gàr gen geh phan ƀàn dờng ngan.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

Jơnau Pơnđik 17:10

Jơnau lah pơrhơng gơmut jrô tòm cau jak chài, Rlau mơ dô rhiang gai pòng di cau bơrngơl.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

I Kôrintô 10:12

Behơ̆, cau lơi kơlôi he ntào kơ̆, gen kơrhia tĕ rngòt gơplơ̆.

Ejekiel 33:9

Mơya dilah mê neh yal tơnggit lài cau iơh bơsak in nàng khai pleh bơh ală gùng dà bol khai dê, mơya bol khai ò pleh bơh gùng dà bol khai dê, gen cau iơh bơsak rơp chơt bơh tồi glài bol khai dê, ai mê rơp geh dong klàs bơta kis mê dê.”