Ejekiel 3:19 - Sră Goh 2018

¹⁹ Mơya, dilah mê neh bơto pơhìn cau iơh bơsak hơ̆, mơya khai ò pơrlac sang bơta iơh hala ală gùng tìs khai dê, gen khai rơp chơt bơh tồi glài khai dê; ai mê gen geh dong klàs să tòm he.

Ejekiel 3:19 Referans Kwoze

Ejekiel 33:9

Mơya dilah mê neh yal tơnggit lài cau iơh bơsak in nàng khai pleh bơh ală gùng dà bol khai dê, mơya bol khai ò pleh bơh gùng dà bol khai dê, gen cau iơh bơsak rơp chơt bơh tồi glài bol khai dê, ai mê rơp geh dong klàs bơta kis mê dê.”

I Timôthe 4:16

Kơrmap gàr tĕ să tòm mê mơ bơta bơto sồr mê dê; pal kơ̆ wền tĕ tòm ală bơta hơ̆, tài bơh lơh behơ̆ gen rơp dong klàs să tòm mê bal mơ ală cau iat mê sơl.

Ejekiel 14:20

gen Jehôwa Yàng Tom Trồ đơs lah, ngan kung be Añ kis, bulah tòm lơgar hơ̆ gơs Nôe, Daniel mơ Jop, bol khai kung ò rgơi dong klàs kòn klau hala kòn ùr bol khai dê, mìng rgơi dong klàs să tòm bol khai lơm, bơh bơta song ring bol khai dê.

Ejekiel 14:14

bulah tòm lơgar hơ̆ gơs pe nă cau do la Nôe, Daniel, mơ Jop, bol khai kung mìng rgơi dong klàs să tòm bol khai bơh bơta song ring bol khai dê,” Jehôwa Yàng Tom Trồ đơs behơ̆.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Broă 20:26

Behơ̆ tàng ngai do añ đơs nền cê oh mi in lah, dilah cau lơi tòm oh mi gơkòl roh rui, gen añ ò kong bơh mhàm bol khai.

Ejekiel 33:5

Tài bơh bol khai neh kơno ntas kơlwòk mơ ò bài dòp bơta tơnggit lài, behơ̆ mhàm bol khai dê rơp tuh hơđang bol khai. Dilah bol khai dòp bơta yal tơnggit lài gen bol khai neh dong klàs bơta kis să tòm bol khai dê.

Ejekiel 3:21

Mơya, dilah mê neh bơto pơhìn cau song ring bañ tìs glài mơ khai ò tìs glài, gen ngan khai rơp kis tài bơh neh iat jơnau bơto pơhìn; mơ mê gen geh dong klàs să tòm he.”

Ejekiel 3:18

Dilah Añ đơs mơ dô nă cau iơh bơsak lah: ‘Mê ngan rơp chơt,’ mơ mê ò bơto pơhìn khai hala đơs mơ khai nàng bơto kơryan khai bơh di ală gùng iơh khai dê tồ dong klàs bơta kis khai dê, gen cau iơh bơsak hơ̆ rơp chơt bơh tồi glài khai dê; mơ Añ rơp kup mê kong glài bơh mhàm cau hơ̆.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Ejekiel 33:3

mơ dilah cau kơp gàr gŏ đào tus hơđang lơgar gen khai uh kơlwòk nàng yal tơnggit lài làng bol in,