Ejekiel 3:11 - Sră Goh 2018

¹¹ Tŭ do lòt tĕ tus hơ ală cau làng bol mê dê neh kong kup cèng pơrdô mơ đơs mơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’ Bulah bol khai iat hala ò iat.”

Ejekiel 3:11 Referans Kwoze

Ejekiel 2:7

Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Ejekiel 3:27

Mơya tòm tŭ Añ đơs mơ mê, Añ rơp pò bơr mê, mơ mê rơp đơs mơ bol khai: ‘Do la jơnau đơs Jehôwa Yàng Tom Trồ dê: Cau lơi kòñ iat gen lòi khai iat; cau lơi ò bài iat gen lòi khai ò bài; bơh bol khai la dô nơm hìu tòmdră.’”

Ejekiel 33:30

Ai mê, ơ kòn mơnus, làng bol mê dê tòmbơhbơr bơh mê rò gah ală dơrñang ƀòn mơ di ală mpồng hìu ơm, cau do đơs mơ cau ne lah: ‘Tus tĕ nàng iat jơnau bơto yal tus bơh Yàng Jehôwa.’

Ejekiel 33:17

Mơya làng bol mê dê đơs lah: ‘Gùng dà Yàng dê ò song ring.’ Mơya hơ̆ la gùng dà bol khai dê ò song ring!

Ejekiel 33:12

Mơ mê, ơ kòn mơnus, đơs tĕ mơ làng bol mê dê lah: Bơta song ring cau song ring dê rơp ò dong klàs khai tòm tŭ khai tìs glài, mơ bơta iơh bơsak cau iơh bơsak dê rơp ò lơh khai in gơtup pừ tòm tŭ khai pơrlac sang bơta iơh bol khai dê. Mơ cau song ring rơp ò geh kis kơnòm bơta song ring bol khai dê tòm tŭ bol khai tìs glài.

Ejekiel 33:2

“Ơ kòn mơnus, tòmbơhbơr tĕ mơ làng bol mê dê mơ đơs mơ bol khai lah: ‘Dilah Añ cèng đào tus hơđang dô nơm lơgar, mơ làng bol lơgar hơ̆ sac rwah dô nă cau tòm bol khai nàng lơh gơs cau drơng mang kơp gàr,

Ejekiel 2:5

Mơ bulah bol khai iat hala ò iat, bơh bol khai la dô nơm hìu jak tòmdră, bol khai rơp git lah neh gơs dô nă cau gơnoar hwơr ơm digùl bol khai.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 6:13

Bol khai ho wơl mơ bơtau lah: “Daniel la dô nă cau kòl kup cèng pơrdô bơh Juda, khai ò gơs nùs ki ngàm di bơtau dô êt lơi; Ơ bơtau, bulah tus di jơnau bơkơ̆u mơ bơtau neh lơh tềl sơnđan mat kung behơ̆ sơl; mơya khai kư̆ hòi dan kòp ngai pe dơ̆.”

Ejekiel 37:18

Tòm tŭ làng bol mê dê lùp mê lah: ‘Ồng ò yal tơlik bol hi in jơnau gơtha ală bơta do ơ?’

Ejekiel 3:15

Añ lòt tus hơ ală cau kong kup cèng pơrdô ơm tòm Tel Abip rềp di hiòng Kebar. Mơ tềng hơ̆ la tiah bol khai ơm, añ nggui digùl bol khai tòm poh ngai, dơrcul moat jrùng.

Yal Wơl 9:12

Yàng Jehôwa neh sồr añ lah: “Mù tĕ mo bơh tềng do, tài bơh làng bol mê dê mơ mê neh cèng lik bơh di Ejiptơ neh gơlik gơs iơh rmơh. Bol khai neh mhar pơrlac bơh di ală jơnau Añ neh sồr bol khai mơ bol khai neh tŏ rùp ràk bol khai in.”

Lik Ejiptơ 32:7

Gen Yàng Jehôwa đơs mơ Môise lah: “Mù tĕ, tài bơh làng bol mê dê, la làng bol mơ mê neh tă cèng lik klàs bơh di Ejiptơ neh gơlik ƀơ̆ iơh rau.

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Ejekiel 3:12

Tŭ hơ̆ Yàng Hwềng cèng tơngguh añ mơ añ kơno đah ngkòi añ gơs ntas nggồr dờng ngan tòm tŭ bơta gơklŏ Yàng Jehôwa dê gơguh bơh di tiah hơ̆;

Ejekiel 20:27

Behơ̆ gen, ơ kòn mơnus, yal tĕ mơ hìu Israel, mơ đơs mơ bol khai lah: ‘Jehôwa Yàng Tom Trồ đơs be do: Ồng pàng bol mê kung neh lơh tràl sơrbil mơ Añ bơh bol khai neh pơrlơ̆ dră di Añ.

Jeremi 29:20

Gen tàng, ơ bol mê la ală cau kong kup cèng ngài bơh lơgar mơ Añ neh cèng bơh Jerusalem tus Babilôn, iat tĕ jơnau Yàng Jehôwa:

Ejekiel 2:4

Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’