Ejekiel 26:7 - Sră Goh 2018

⁷ Bơh Jehôwa Yàng Tom Trồ đơs be do: ‘Añ rơp cèng Nebukatnessar, bơtau Babilôn, bơtau ală bơtau dê, bal mơ ală ơseh, ală rơndeh lòs tòmlơh, ală cau ling hào ơseh, mơ dô mpồl ling gal ngan mơ pràn kơldang, bơh đah đang tus tòmdră mơ Tirơ.

Ejekiel 26:7 Referans Kwoze

Daniel 2:37

Ơ bơtau, bơtau la bơtau ală bơtau dê, bơh Yàng Tom Trồ ơm hơđang trồ neh ai bơtau in lơgar, gơnoar at bồ, gơnoar pràn mơ bơta gơklŏ.

Ejra 7:12

“Artaserses, bơtau ală bơtau dê, pơyoa Ejra in la cau gơnoar ơn phan duh khoai, cau bơto bơta boh lam Yàng hơđang trồ dê: Niam să!

Ejekiel 23:24

Bol khai rơp tus tòmsò mơ ai, cèng ală pềs tà, ală rơndeh lòs tòmlơh, ală rơndeh pơdiang phan, mơ dô mpồl làng bol oă; bol khai rơp rơndap bơta tòmlơh tòmsò mơ ai tòm kòp đah, ngui ală khèl dềt mơ dờng bal mơ ală sơgơn lòs. Añ rơp jào phi ai bol khai in nàng lơh glài, mơ bol khai rơp lơh glài ai jat bơta boh lam bol khai dê.

Sră Ôse 8:10

Bulah bol khai neh tòmpơyòm bơh bơta tac rwat mơ ală làng bol, tŭ do Añ rơp pơjum tơrgòm bol khai wơl. Ò jŏ tai bol khai rơp kong pơnjê pơngkồr oă ngan hơđơm ơnòng kơnjơ̆ ală cau bơtau mơ cau kwang at bồ dê.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Jeremi 52:32

ai jơnau niam đơs mơ khai, mơ bơtào khai hơđang rlau mơ ală cau bơtau ndai ơm bal mơ khai tòm Babilôn.

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Esai 10:8

Khai đơs lah: “Jơh ală cau kwang at bồ mpồl ling añ jê ò di la ală cau bơtau ò ơ?

Ejekiel 28:7

gen Añ rơp cèng tus ală cau crih mat tòmdră mơ mê, làng bol jàñ bơsak rlau jơh tòm ală làng bol; bol khai rơp tă đào tòmdră mơ bơta hàng mơnĕ mơ bơta jak chài mê dê, mơ lơh ƀơ̆ ƀơl bơta gơklŏ ryŭ ryơm mê dê.

Ejekiel 26:3

Gen tàng Jehôwa Yàng Tom Trồ đơs lah: ‘Ơ Tirơ! Do, Añ tòmdră mơ mê, mơ Añ rơp chồl oă lơgar tus tòmdră mơ mê, kung be ryà dàlềng gơrơndul khuh behơ̆ sơl.

Ejekiel 17:14

nàng lơh lơgar in gơ mù wơl, ò rgơi bơtào tơngguh tai, mìng gam kơnòm di bơta prap gàr bơta ho bal khai dê.

Jeremi 25:22

ală bơtau Tirơ, ală bơtau Sidôn, mơ ală bơtau ơm tòm bồt pơlào tòm dàlềng in;

Jeremi 6:23

Bol khai jơh tơl nă at àtak mơ đào, bol khai iơh bơsak ngan, ò gơs nùs nđàc sơngit. Sap bol khai nggồr kung be dàlềng, Bol khai hào hơđang ală ơseh; rcang rơndap sèng kung be cau ling lòt tòmlơh Mơ tòmdră mơ ai, Ơ kòn ùr Siôn!”

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.