Ejekiel 26:16 - Sră Goh 2018

¹⁶ Gen jơh ală cau kwang bơtau at bồ rò gah dàlềng rơp mù bơh di sơbàn bol khai dê; hồ ală ào kwang bơtau mơ tă ală ồi ào jing bơka hàng mơnĕ bol khai dê. Bol khai rơp soh să tòm bol khai mơ bơta rngòt rngơt, bol khai rơp nggui tòm tiah, rơm să ò dơh, mơ rngòt rngơt bơh mê.

Ejekiel 26:16 Referans Kwoze

Ejekiel 32:10

Añ rơp lơh oă làng bol in rngòt rngơt bơh mê, mơ ală cau bơtau bol khai dê rơp gơdô nùs bơh mê, tòm tŭ Añ yàt đào Añ jê di đap bol khai, bol khai rơp rơm să kòp tŭ kòp jơ, bơh bơta kis kòp nă bol khai dê, tòm ngai mê gơtup pừ.’

Jôna 3:6

Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Jop 8:22

Ală cau sò tơm ồng dê rơp soh bơta ƀàssìl, Mơ ală sàl cau iơh bơsak dê rơp ò gam tai.”

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Đơs Crih 35:26

Cau lơi hòn chò bơh bơta bòl glar añ jê, Lòi khai gơkòl bal tòm bơta ƀàssìl ƀàsso! Cau lơi bơtào tòmsò mơ añ dô bă pơnhừ să, Lòi khai gơkòl tơnsoh bơta ƀàssìl mơ bơtat bơtròh.

Daniel 5:6

Cau bơtau rngòt pàl jơh muh mat, rơm să ngan, bàr nơm gơltang gơtòmcik bal.

Ejekiel 7:8

Añ rơp tuh bơta gơjrañ dờng Añ jê hơđang mê, mơ ràng tơlik bơta gơhào gơjrañ Añ jê tòmdră mơ mê; Añ rơp cahrña mê jat bơta lơh lòt mê dê mơ tơm wơl mê in jat ală bơta iơh mơ mê neh lơh.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Esai 52:2

Guh tĕ, rtuh tĕ să tòm bol mê bơh thul ơmul, Ơ Jerusalem tiah gơkòl kup cèng. Ơ kòn ùr Siôn la cau kòl kup cèng, hồ tĕ che kơt bơh di ngko ai dê.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Đơs Crih 132:18

Añ rơp ai bơta ƀàssìl tơnsoh cau sò tơm di khai, mơya hơđang bồ khai, sơgơn bơtau khai dê rơp geh àng gơcrà.”

Đơs Crih 109:29

Lòi ală cau yă añ kong cau sền òsơp; Lòi bol khai ơm tòm bơta ƀàssìl kung be soh ào jrùh.

Đơs Crih 109:18

Khai soh bơta srat rma kung be soh ào; Lòi bơta srat rma mut be dà tòm să khai, be mơñà mut tòm ntìng khai dê!

Lik Ejiptơ 15:15

Ală cau at bồ Edôm ò suk ơm, Ală cau lam bồ Môap rơm să; Làng bol Kanaan lề roh jơh.

Yal Tơlik 18:9

Ală cau bơtau hơđang ù, la cau neh tìs glài rềs àr bơrnàn mơ lơh gơlềng gơlàng bal mơ khai, dơ̆ bol khai gŏ ñhŭ ồs sa khai gen bol khai rơp ñìm rac mơ pơt wòl tài bơh khai.

Esai 41:5

Ală bồt pơlào neh gŏ bơta hơ̆ mơ rngòt rngơt, ală tiah lồi dut plai ù gơlơnggơr, bol khai tus rềp mơ tus;

Jeremi 48:39

“Ne, gơ neh lề lac mbe lơi! Bol khai pơt wòl mbe lơi! Môap wơlke dô bă ƀàssìl ƀàsso mbe lơi! Môap rơp gơlik gơs bơta dơñŏ tơnhial Mơ bơta rngòt rngơt jơh ală cau ơm gùt dar in.”

Ejekiel 7:27

Cau bơtau rơp ñìm rac, cau kwang at bồ rơp soh bơta roh nùs moat jrùng, mơ tê làng bol tòm lơgar rơp rơm rngòt. Añ rơp lơh gơwèt hơ bol khai jat be bơta lơh lòt bol khai dê, mơ Añ rơp cahrña bol khai jat be bơta bol khai neh cahrña. Gen bol khai rơp git Añ la Yàng Jehôwa.’”

Ejekiel 16:10

Añ tơnsoh ào jing bơka niam ai in, mơ tơnjă khŏ mơ gơltau niam. Añ pùt ai tòm bài che dơmài lơbơn, mơ jơm gòm ai mơ bài kas màng.

Ejekiel 26:21

Añ rơp cèng mê tus di tiah lồi dut dô bă rngòt rngơt ngan, mơ mê rơp ò gam tai. Cau rơp jòi mê mơya rơp ò gơs tŭ lơi jòi bàn mê tai,” Jehôwa Yàng Tom Trồ đơs behơ̆.

Ejekiel 28:17

Nùs mê neh gơlik pơnhừ să tài bơh bơta hàng mơnĕ mê dê, mơ mê neh lơh ồm lề bơta jak chài mê dê tài bơh bơta gơklŏ ryŭ ryơm mê dê. Behơ̆ Añ neh tơlo mê dùh tòm ù; Añ ràng tơlik mê di đap ală cau bơtau, lơh bol khai in sền be bơta kơnhơl.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Ejekiel 31:15

Jehôwa Yàng Tom Trồ đơs be do: ‘Tòm ngai gơ mù tòm bơtô ƀồc, Añ neh bồr ală cìr jrô; Añ kơryan ală hiòng gơ dê, mơ bơt ală hiòng dà dờng gơ dê. Añ tơnsoh Liban in bơta ñìm rac bơh gơ, mơ jơh ală chi tòm ƀlàng rơp ro bơh gơ.