Ejekiel 26:12 - Sră Goh 2018

¹² Bol khai rơp tòmpìt sơmbrơt phan mơna mê dê, phà kơñau ală phan kă bro mê dê; bol khai rơp pòng tơrlah ală dơrñang mê dê mơ phà tơnroh ală hìu niam mơnĕ mê dê, mơ tuh sang ală lŭ, chi, mơ thul ơmul mê dê tòm dàlềng.

Ejekiel 26:12 Referans Kwoze

Esai 23:8

Ñcau neh lơh nền bơta hơ̆ tòmdră mơ Tirơ taih? Gơ la ƀòn dờng neh ndau sơgơn bơtau, cau kă bro gơ dê la ală kòn cau bơtau, cau blơi rwat gơ la cau tiơng pơnro tòm plai ù.

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

II Yal Yau 32:27

Ejekia gơlik pas sơm mơ geh jòng ro ngan, mơ khai bơt ală đam jàr nàng prap priă màh mơ ală lŭ màng, ală sơnơm ƀô bơlhu, ală khèl mơ tơl ală phan kas màng.

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”

Nahum 2:9

Tòmpìt ai tĕ priă! Tòmpìt ai tĕ màh! Gơs đam jàr ò lồi jơh, ală phan kas màng tơngkah tơngkañ ngan!

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.

Daniel 11:8

Tòm tŭ rê wơl, khai kung cèng tus tòm lơgar Ejiptơ ală rùp duh khoai kas màng bal mơ ală phan ngui mơ màh mơ priă tai sơl. Tòm dô êt nam, khai dơh wơl ò brồ lơh bơtau đah đang.

Ejekiel 28:8

Bol khai rơp tơmù mê tus tòm cìr jrô, mơ mê rơp chơt dô bă iơh rmơh tòm kơnàng dàlềng.

Ejekiel 26:5

Tòm gùl dàlềng, gơ rơp gơlik gơs dô bă tiah cau is ală bơtơng kup ka, Añ neh đơs rau, Jehôwa Yàng Tom Trồ đơs behơ̆. Khai rơp gơlik gơs phan ală làng bol in tòmpìt ai,

Jeremi 25:34

Ơ ală cau ê, ñìm rac tĕ, pơt wòl tĕ! Ơ ală cau ê mpồl belàt, pơrlac tĕ să tòm bùh! Tài bơh ală ngai bol mê kong tơnchơt neh tus rau, mơ ngai mê kong nrah nring neh tus; Bol mê rơp gơpừ mơ bơcah kung be gri màng ryŭ.

Esai 32:12

Tur tĕ ntơh bol ai dê, tài bơh ƀlàng sre brê ù niam, bơh ală tòm ño bềng plai.

Esai 23:11

Yàng Jehôwa neh pò tơlik tê Kơnràñ dê hơđang dàlềng, Kơnràñ rơnggô ală lơgar bơtau dê. Kơnràñ neh ai gơnoar sồr bơh Kanaan nàng tơnroh ală tiah kơp gàr gơ dê.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

Jeremi 52:14

Jơh mpồl ling cau Kalde, neh lòt bal mơ cau kwang at bồ ling kơp gàr bơtau, phà tơrlah jơh ală dơrñang ƀòn gùt dar Jerusalem.