Ejekiel 26:11 - Sră Goh 2018

¹¹ Jơng ală ơseh khai dê rơp jă hơđang jơh ală gùng mê dê; khai rơp ai đào tơnchơt làng bol mê dê, mơ ală jrong kơ̆ cê mê dê rơp gơpừ tòm ù.

Ejekiel 26:11 Referans Kwoze

Esai 26:5

Bơh Kơnràñ neh tơmù ală cau ơm tòm tiah jơnhoa; ƀòn dờng jơnhoa Kơnràñ tơmù liah. Kơnràñ tơmù gơ liah tus tòm ù mơ sang gơtòm thul ơmul.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Habakuk 1:8

Ală ơseh bol khai dê ntoat mhar rlau mơ klìu sơmañ, rhung rhang rlau mơ so rhau tòm trồ mang. Mpồl ling hào ơseh bol khai dê ràn tus, ală cau ling hào ơseh bol khai dê tus bơh di tiah ngài; bol khai par kung be klàng bung srà mhar nàng sa loan.

Jeremi 51:27

“Bơtào tĕ bồng bi tòm lơgar; Uh kơlwòk tòm ală lơgar; Rcang sir ală làng bol tòmlơh mơ gơ! Pơjum tĕ ală lơgar Ararat, Mini, Askena, tus lơh gơ! Bơtào tĕ dô nă kwang at bồ mpồl ling! Cèng tĕ ală ơseh guh kung be srah nting!

Jeremi 43:13

Khai rơp dơrpă ală jrong Bet Semes dê tòm lơgar Ejiptơ, mơ rơp ai ồs chu jơh ală hìu bơmồng ală yàng Ejiptơ dê.’”