Ejekiel 23:3 - Sră Goh 2018

³ Bol khai lơh dri tòm Ejiptơ, lơh dri bơh tŭ gam ơruh. Tềng hơ̆, toh bol khai neh cau at mơ hìu kòn bol khai dê neh cau git.

Ejekiel 23:3 Referans Kwoze

Lebi 17:7

Bol khai ò di ơn phan ơn lơi bol khai dê ală cà ràk in tai, mơ să tòm bol khai tìs glài rềs àr bơrnàn. Hơ̆ la dô bơta sồr lam gam sùm sùm bol khai in mơ ală rài rơp tus in sơl.’

Ejekiel 16:22

Tòm jơh ală broă lơh cù kìr mơ bơta dri tơlàr dê, ai ò kah wơl ală ngai tòm tŭ ai gam kơnòm să, tòm tŭ ai ơm kuh lòi rồ mơ wañ tòm mhàm.’

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.

Sră Ôse 2:15

Añ rơp jào wơl ală suơn ño khai in, mơ rơp lơh thòng Akôr gơlik gơs dô nơm mpồng gơn kơnòm. Tềng hơ̆ khai rơp đơs chò kung be tòm ngai khai gam kơnòm să, mơ kung be tòm ngai khai lik klàs bơh lơgar Ejiptơ.

Ejekiel 23:21

Neh jŏ rau nùs dri tơlàr ai dê bơh tŭ ai gam ơruh, tòm tŭ tòm Ejiptơ hìu kòn ai dê neh cau git mơ toh gam tơrmo ai dê neh cau at.

Ejekiel 23:19

Bulah behơ̆, khai neh sơlo bơtơl oă bơta dri tơlàr bung jang khai dê tòm tŭ khai kah wơl ală ngai khai gam ơruh, tòm tŭ khai la ùr dri tòm lơgar Ejiptơ.

Ejekiel 23:8

Khai ò sang bơta dri tơlàr mơ khai neh rơp sơntòm bơh tòm Ejiptơ, tòm tŭ khai gam ơruh gơs cau bic mơ khai, tơnroh bơta sơmpiat cau ơruh dê, mơ tuh tơlik bơta dri tơlàr bol khai dê hơđang khai.

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Yal Wơl 29:16

Bol mê git mbe bol he neh kis tòm lơgar Ejiptơ, mơ mbe bol he neh lòt gan ală lơgar rò gùng bol he lòt tus hơ do.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

Jeremi 3:9

Tài bơh khai sền òsơp bơta rềs àr bơrnàn he, gen lơh ƀơ̆ ƀơl ù tiah, rềs àr tòmtir mơ lŭ mơ chi.

Ejekiel 23:4

Cau bi sơnđan la Ôhôlah, ai cau oh sơnđan la Ôhôlibah. Bol khai neh gơrê bal mơ Añ, mơ deh kòn klau kòn ùr. Ôhôlah la Samari, ai Ôhôlibah la Jerusalem.

Ejekiel 23:43

Gen Añ đơs bơh cau neh bòl glar tòm bơta rềs àr dri tơlàr lah: ‘Tŭ do lòi tĕ bol khai ngui khai kung be cau dri tơlàr bơh khai ngan la behơ̆.’

Sră Ôse 1:2

Tŭ Yàng Jehôwa sơntòm đơs mơ Ôse gen Kơnràñ sồr khai lah: “Lòt tĕ bau mơ dô nă cau ùr dri tơlàr, mơ deh kòn rềs àr bơrnàn, tài bơh ƀòn lơgar do neh sang lòi Yàng Jehôwa mơ tìs glài rềs àr bơrnàn.”

Ejekiel 16:15

‘Mơya ai kơnòm di bơta hàng mơnĕ ai dê mơ ngui bơta tiơng pơnro ai dê mơ gơlik gơs dô nă ùr dri. Ai khat gơboh tòmtir mơ cau lơi lòt gan, mơ bơta hàng mơnĕ ai dê gơrê bal mơ cau hơ̆.

Ejekiel 20:7

Mơ Añ neh đơs mơ bol khai lah: ‘Kòp nă bol mê sang ngài tĕ ală rùp duh khoai cù kìr mơ bol mê tơnggòr sền, bañ lơh ƀơ̆ ƀơl să tòm he bơh ală rùp ràk Ejiptơ dê! Añ la Jehôwa Yàng Tom Trồ bol mê dê.’

Ejekiel 23:34

Ai rơp hùc mơngàn hơ̆ mơ rơp hùc jơh hir; ai rơp jan bơcah gơ rpot rpet, mơ ai rơp crè is ntơh ai dê. Añ neh đơs rau,’ Jehôwa Yàng Tom Trồ đơs behơ̆.