Ejekiel 21:11 - Sră Goh 2018

¹¹ Đào neh geh ai nàng geh tho goh, nàng geh sơmbat kơ̆ mơ tê; gơ neh geh tồl sồt mơ tho goh, nàng ơn tòm tê cau sreh tơnchơt.

Ejekiel 21:11 Referans Kwoze

Ejekiel 21:19

“Ơ kòn mơnus, lơh tĕ tềl sơnio bàr nơm gùng nàng đào bơtau Babilôn dê lòt jat, bàr nơm gùng hơ̆ rơp sơntòm bơh di dô nơm lơgar. Sơntơp tĕ jrong lơh tềl di ală sơnah gùng lam tus hơ ƀòn dờng.

Jeremi 25:33

Ală cau mơ Yàng Jehôwa neh tơnchơt tòm ngai hơ̆, rơp bềng hơđang ù bơh bồ tus di lồi plai ù; Bol khai rơp ò gơs cau ñìm, ò gơs cau tơrgòm, hala tơp, bol khai rơp gơlik gơs phan pơnđồm ù!

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Ejekiel 21:10

Tồl sồt nàng sreh tơnchơt, tho goh nàng gơcrà kung be puhlèp! Mbe bol he rgơi hòn chò taih? Bơh mê kòn klau añ neh sền òsơp gai mơng mơ ală bơta lơh glài tơmàl.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Este 4:1

Tòm tŭ Mordike neh kơno jơh ală bơta neh gơlik gơs rau, khai crè ồi ào khai dê, soh ƀào sơnò kiat mơ ơm tòm bùh, lòt làm ƀòn dờng, ñìm rac dờng jơnau dô bă sràt bơtang ngan.

Esai 22:4

Gen tàng añ đơs lah: “Pleh mat tĕ bơh añ, lòi añ ñìm rac ròc sràt bơtang. Bañ pơnđơl nàng pơndòm pơniang añ, tài bơh bơta tơnroh cau kòñ gơboh làng bol añ jê.”