Ejekiel 20:5 - Sră Goh 2018

⁵ mơ đơs mơ bol khai lah: Jehôwa Yàng Tom Trồ đơs be do: ‘Tòm ngai Añ sac rwah Israel, Añ srat să mơ jơi bơtiàn hìu Jakôp dê, mơ Añ yal tơlik să tòm Añ bol khai in git tòm lơgar Ejiptơ. Añ srat să mơ bol khai mơ đơs lah: Añ la Jehôwa Yàng Tom Trồ bol mê dê.’

Ejekiel 20:5 Referans Kwoze

Ejekiel 47:14

Mê pal tòmpà ring bal digùl bol khai. Tài bơh Añ neh srat să ho nền ai lơgar do ală ồng pàng mê in, lơgar do rơp gơlik gơs phan jơtài bol mê dê.

Ejekiel 20:23

Añ kung neh pò tê srat să mơ bol khai tòm ƀlàng ngềt ngơt lah Añ rơp lơh bol khai in gơprah gơpring digùl ală làng bol mơ nrah nring tòm ală lơgar,

Ejekiel 20:15

Añ kung neh srat să mơ bol khai tòm ƀlàng ngềt ngơt lah Añ rơp ò cèng bol khai mut tòm ù tiah mơ Añ neh ho ai bol khai in, la ù tiah bềng dà toh mơ dà lơwe, ù tiah niam rlau mơ jơh ală ù tiah ndai;

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Lik Ejiptơ 4:31

mơ bol khai dòn. Mơ tòm tŭ bol khai neh kơno lah Yàng Jehôwa neh wèt sền bol khai, mơ neh gŏ bơta dồn sa bol khai dê; bol khai kun bồ mơ duh khoai.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Yal Tơlik 10:5

Cau gơnrơh mơ añ neh gŏ ntào hơđang dàlềng mơ hơđang ù, khai pò tê ma hơđang trồ,

Jơnau Niam Jat Mak 13:20

Dilah Yàng ò tơnhuc ală ngai hơ̆ gen ò gơs cau lơi geh dong klàs, mơya tài bơh ală cau geh sac rwah, gen tàng Kơnràñ tơnliah ală ngai hơ̆.

Ejekiel 35:11

gen tàng Jehôwa Yàng Tom Trồ đơs lah: ‘Di ngan be Añ kis, Añ rơp lơh di mê jat bơta gơhào gơjrañ mơ bơta ƀoah mơ mê ràng tơlik bơh bơta mê gơjrañ tòmdră mơ bol khai, mơ Añ rơp ràng tơlik să tòm Añ digùl bol mê tòm tŭ Añ cahrña mê.

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Esai 43:10

Yàng Jehôwa đơs lah: “Bol mê la ală cau lơh cơng Añ jê, mơ la cau duh broă mơ Añ neh sac rwah, nàng mê in git mơ dòn Añ, mơ git wă lah Añ la Bơtau hơ̆. Ò gơs yàng lơi neh geh crơng mòn lài mơ Añ, tơnơ̆ mơ Añ kung rơp ò gơs.

Đơs Crih 103:7

Kơnràñ yal tơlik Môise in git ală gùng dà Kơnràñ dê, Mơ yal tơlik làng bol Israel in git ală broă Kơnràñ dê.

Đơs Crih 33:12

Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

Yal Wơl 32:40

Bơh Añ pò tê Añ jê hơđang trồ mơ srat să: Be Añ kis gam sùm sùm,

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 4:37

Tài bơh Kơnràñ kòñ gơboh ală ồng pàng bol mê dê mơ neh sac rwah ală kòn sau tơnơ̆ mơ bol khai, Kơnràñ neh cèng bol mê lik bơh di Ejiptơ kơnòm di Bơta Gơs Mat Kơnràñ dê, bơh gơnap gơnoar dờng Kơnràñ dê,

Yal Wơl 4:34

Gơs yàng lơi ndai neh lòng tă tơlik khai in dô nơm làng bol bơh di dô nơm làng bol ndai kơnòm di bơta pơrlòng, ală bơta krơi tềl is, bơta tòmlơh, bơh dô nơm tê gơnoar pràn mơ tơwòr tê pò ơnàng, hala bơh ală broă dờng mơ pal rngòt rngơt, be jơh ală bơta Yàng Tom Trồ bol mê dê neh lơh bol mê in tòm Ejiptơ di đap mat tòm bol mê dê sơl ơ?

Lik Ejiptơ 6:2

Yàng Tom Trồ đơs tai mơ Môise lah: “Añ la Yàng Jehôwa.

Lik Ejiptơ 3:16

Lòt tĕ, pơjum tơrgòm ală cau kwang kra Israel dê, mơ đơs mơ bol khai lah: “Yàng Jehôwa ồng pàng bol mê dê la Yàng Tom Trồ Abraham, Yàng Tom Trồ Isak, mơ Yàng Tom Trồ Jakôp dê, neh tơlik mat mơ añ mơ đơs lah: ‘Añ neh wèt sền di bol mê, mơ neh gŏ ñchi bơta bol khai neh lơh di bol mê tòm lơgar Ejiptơ.

Lik Ejiptơ 3:6

Kơnràñ đơs tai lah: “Añ la Yàng Tom Trồ ồng pàng mê dê, Yàng Tom Trồ Abraham dê, Yàng Tom Trồ Jakôp dê.” Gen Môise kìng mat khai dê tài bơh rngòt sền gŏ Yàng Tom Trồ.

Yal Tơlik 10:6

sơnio Bơtau kis gam sùm sùm ò lồi, la Bơtau neh crơng gơs trồ mơ ală phan hơđang trồ, crơng gơs ù mơ ală phan tòm ù, crơng gơs dàlềng mơ ală phan tòm dàlềng. Mơ khai srat să lah ò gơs tŭ lơi gơn tai,

Lik Ejiptơ 6:3

Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar Dờng; mơya bơh sơnđan Añ la Jehôwa gen Añ òhềt yal tơlik bol khai in git.

Lik Ejiptơ 6:8

Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’”

Lebi 18:2

“Yal tĕ mơ cau Israel mơ đơs mơ bol khai lah: Añ la Jehôwa Yàng Tom Trồ bol mê dê.

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Yal Wơl 7:7

Yàng Jehôwa ò di neh kòñ gơboh di bol mê mơ sac rwah bol mê tài bơh bol mê la dô nơm làng bol dờng rlau mơ ală làng bol ndai, bơh bol mê la dô nơm làng bol gơs dô êt cau rlau mơ jơh ală làng bol ndai.

I Ală Bơtau 18:39

Gŏ behơ̆, jơh làng bol tơmbic să tòm ù, mơ driau lah: “Jehôwa ngan la Yàng Tom Trồ! Jehôwa ngan la Yàng Tom Trồ!”

Ejekiel 34:24

Añ la Yàng Jehôwa rơp lơh gơs Yàng Tom Trồ bol gơ dê, mơ cau duh broă Añ la Dabit rơp gơs bơtau digùl bol khai. Añ la Yàng Jehôwa neh đơs behơ̆.