Ejekiel 16:7 - Sră Goh 2018

⁷ mơ hòn dờng kung be dô nơm chi tòm ƀlàng sre.” Ai neh gơtă dờng mơ gơlik jơnhoa hàng mơnĕ rlau jơh. Toh ai neh but, sŏ ai neh jòng, mơ ai ya gam ơm kuh mơ lòi rồ.

Ejekiel 16:7 Referans Kwoze

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Lik Ejiptơ 1:7

mơya Israel tơnggơs mơ gơbơtơl oă, ntum khà gơlik pràn dờng ngan, mơ ơm bềng lìu tòm làm lơgar.

Esai 62:3

Ai rơp lơh gơs dô nơm sơgơn bơtau gơklŏ tòm tê Yàng Jehôwa, dô nơm sơgơn bơtau tòm tê Yàng Tom Trồ ai dê.

Broă 7:17

Tòm tŭ mòr tus di tŭ tơngai Yàng Tom Trồ lơh gơlik gơs di ngan jơnau ho pơgon mơ Abraham, khà làng bol kư̆ tơnggơs bơtơl rơ̆sơmpài ràipơjềng tòm lơgar Ejiptơ,

Sră Ôse 2:3

Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Ejekiel 16:22

Tòm jơh ală broă lơh cù kìr mơ bơta dri tơlàr dê, ai ò kah wơl ală ngai tòm tŭ ai gam kơnòm să, tòm tŭ ai ơm kuh lòi rồ mơ wañ tòm mhàm.’

Ejekiel 16:16

Ai ngui ồi ào ai dê nàng lơh ală tiah jòng hàng mơnĕ, tềng hơ̆ ai lơh bơta dri tơlàr. Ală bơta hơ̆ ò di pal gơs, mơ kung ò di gơs tŭ lơi gơlik tus.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Đơs Chò 4:5

Bàr đah toh ai dê be dô yô kòn be brê deh bàr, gơ ơm sa digùl ƀlàng bơkào gun.

Đơs Crih 148:14

Kơnràñ neh pò tơngguh ngke làng bol Kơnràñ dê. La bơta jòng ro ală cau dòn song Kơnràñ dê, Hơ̆ la làng bol Israel, la cau ơm rềp di Kơnràñ. Jòng ro Yàng Jehôwa!

Đơs Crih 147:20

Kơnràñ ò lơh behơ̆ mơ làng bol lơi ndai ò, Bol khai ò git gơnoar sồr Kơnràñ dê. Jòng ro Yàng Jehôwa!

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Yal Wơl 4:8

Mơ gơs làng bol lơi ndai dờng geh ală bơta lơh nền mơ ală bơta boh lam song ring be jơh tơl bơta boh lam mơ añ ơn di đap bol mê tòm ngai do sơl ơ?

Lik Ejiptơ 12:37

Làng bol Israel lòt bơh Ramse tus Sukôt. Gơs pơgap prau rhiang rbô nă cau klau lòt jơng, ò kòp cau ùr mơ cau kơnòm.

Lik Ejiptơ 3:22

Kòp nă cau ùr rơp lùp dan cau gơp ƀòn mơ cau ùr lơi ơm tòm hìu khai dê, ai bol khai in ală phan lơh mơ priă mơ màh, mơ ồi ào nàng tơnsoh ală kòn klau mơ ală kòn ùr bol mê dê. Behơ̆, bol mê rơp hồ ai jơh phan mơna cau Ejiptơ dê.”

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Đơs Chò 8:8

Bol hi gơs dô nă cau oh ùr dềt, òhềt but toh. Pal lơh ñchi lơi oh ùr bol he in, tòm tŭ cau dan bau mơ khai taih?

Đơs Chò 8:10

Añ la dô nơm dơrñang, bàr đah toh añ be ală cồng gơlang; Tŭ hơ̆ añ ơm di đap mat khai be cau neh geh lơngap lơngai.

Ejekiel 16:6

Añ lòt gan mơ gŏ ai wañ tòm mhàm, mơ tòm tŭ ai bic tòm mhàm ai dê, Añ đơs mơ ai lah: “Kis tĕ!

Yal Wơl 1:11

Dan Jehôwa Yàng Tom Trồ ală ồng pàng bol mê dê bơtơl ntum khà bol mê dê dô rbô dơ̆ oă rlau, mơ ai lơngai bol mê in jat be Kơnràñ neh ho!