Ejekiel 16:5 - Sră Goh 2018

⁵ Ò gơs mat sền nđàc sơngit di ai hala lơh dô bơta lơi tòm ală bơta hơ̆ ai in nàng kòñ nđàc di ai. Mơya ai kòl sang lòi tòm ƀlàng ò gơs chi che, bơh ai neh kòl sền òsơp tòm ngai ai geh deh.”

Ejekiel 16:5 Referans Kwoze

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,

Ñìm Rac 4:3

Bulah ală so rhau kung ai toh tơmpô kòn he; Mơya làng bol añ jê gơlik gơs jàñ bơsak kung be sềm làkđa ơm tòm ƀlàng ngềt ngơt.

Khà Làng Bol 19:16

Cau lơi ơm đah bơdìh mơ ƀư di dô nă cau lơi neh gơkòl sreh tơnchơt mơ đào hala dô nă cau lơi neh chơt jat bơta òs cau dê, hala cau lơi neh ƀư di dô nơm ntìng ƀồc kòn mơnus dê hala dô nơm bơtô ƀồc, gen cau hơ̆ pal kong kòp la ò goh tòm poh ngai.

Lik Ejiptơ 1:22

Lồc behơ̆, Pharaôn ai jơnau sồr jơh làng bol khai in lah: “Kòp nă kòn klau cau Hebrơ pa deh, bol mê pal sơrbì tĕ tòm hiòng Nil; mơya lòi kis jơh ală kòn ùr.”

Sơnròp Gơlik Gơs 21:10

Gen khai đơs mơ Abraham lah: “Bơtrơh tĕ dĭ ùr mơ kòn khai dê. Bơh kòn klau dĭ ùr do ò geh gơnoar pơrdòn bal mơ kòn klau añ la Isak.”

Esai 49:15

“Dô nă mè rgơi hŭi kòn ơm pô toh khai dê, mơ ò gơs nùs kòñ nđàc di kòn dềt khai neh deh sơl ơ? Bulah digơlan khai hŭi, mơya Añ rơp ò tŭ lơi hŭi mê ò!

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Ñìm Rac 4:10

Tê bơta nđàc sơngit ală cau ùr dê, gơm sin ală kòn tòm he dê, Lơh gơs phan sa bol khai in tòm bơta tơrlah tơrlơm làng bol añ jê.

Ñìm Rac 2:19

Guh tĕ driau nggà tòm trồ mang, tòm tŭ rơp sơntòm kơp gàr; Tuh tơlik nùs ai kung be dà di đap mat Yàng Jehôwa. Pò tĕ tê ai hơ Kơnràñ bơh bơta kis ală kòn dềt ai dê, bol khai bòl glar òsô tài bơh jơgloh tòm kòp nơm bồ gùng.

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Jeremi 22:19

Khai rơp kong tơp kung be dô nơm alàng; Rơp kong hwài mơ sang tơlik bơh di mpồng Jerusalem dê.

Ejekiel 16:6

Añ lòt gan mơ gŏ ai wañ tòm mhàm, mơ tòm tŭ ai bic tòm mhàm ai dê, Añ đơs mơ ai lah: “Kis tĕ!