Ejekiel 13:6 - Sră Goh 2018

⁶ Bơta gơtơnggŏ bol khai dê la ò gơs ngan, mơ jơnau đơs hwơr bol khai dê la blac. Bol khai đơs lah: “Yàng Jehôwa đơs,” tòm tŭ Yàng Jehôwa ò sồr bol khai, bulah behơ̆ bol khai kơp gơn ală jơnau bol khai dê geh gơlik gơs wil tơl.

Ejekiel 13:6 Referans Kwoze

Ejekiel 22:28

Ală cau gơnoar hwơr gơ dê pih bò ală broă lơh hơ̆ bol khai in kơnòm di ală bơta gơtơnggŏ roh lơm mơ bơta sền dà ma blac bol khai in mơ đơs lah: “Do la jơnau đơs Jehôwa Yàng Tom Trồ dê,” tòm tŭ Yàng Jehôwa ò đơs behơ̆.

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Ejekiel 21:29

Bulah gơs ală bơta gơtơnggŏ ma blac bơh broă bol mê, mơ bơta sền dà đơs blac bơh bol mê, gơ rơp ơn di ngko ală cau iơh bơsak rơp kong sreh chơt, ngai bol khai neh tus, tŭ tơngai lơh glài neh di rau.

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Sacari 10:2

Tài bơh ală rùp ràk đơs bơta blac pơrlồm. Ală cau sền dà gŏ bơta gơtơnggŏ ma blac; bol khai yal bơta mpau ò song, mơ ai bơta pơndòm pơniang ò kwơ. Behơ̆ tàng làng bol nrah nring kung be belàt, kong rồn bơklơn tài bơh ò gơs cau ê.

Jeremi 14:14

Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

II Tesalônika 2:11

Tài behơ̆ mơ Yàng Tom Trồ jào phi bol khai tòm bơta bơto tìs nrah, nàng lơh bol khai dòn bơta ma blac,

Jơnau Niam Jat Mak 13:6

Gơs oă cau rơp ai sơnđan Añ tus mơ đơs lah: ‘Añ la Bơtau Krist!’ Mơ rơp pơrlồm lơh oă cau in tìs nrah.

Ejekiel 21:23

Mơya gơwèt mơ khai gơlơh kung be la dô bơta sền dà ma blac gơwèt hơ ală cau neh srat să ho nền dòn song mơ cau bơtau, mơya cau bơtau rơp tơngkah wơl bol khai in bơh bơta tìs glài bol khai dê mơ kup cèng pơrdô bol khai.

Ejekiel 13:7

Bol mê ò di neh gŏ ală bơta gơtơnggŏ tìs mơ đơs hwơr ma blac tòm tŭ bol mê đơs lah: “Yàng Jehôwa đơs,” bulah Añ ò đơs ò ơ?’

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Jeremi 29:31

“Sồr yal tĕ ală bơta do kòp nă cau kong kup cèng ngài bơh lơgar in git lah: Yàng Jehôwa đơs bơh Semaya ơm tòm Nehelam be do: ‘Bơh Semaya neh đơs hwơr bol mê in, mơ Añ òhềt tŭ lơi sồr khai, mơ khai neh lơh bol mê in kơnòm di bơta ma blac,’

Jeremi 28:2

“Yàng Jehôwa Gơnap Gơnoar, Yàng Tom Trồ Israel dê, đơs be do: ‘Añ neh dơrpă yô bơtau Babilôn dê.

Jơnau Pơnđik 14:15

Cau bơrngơl gơla dòn jơh ală jơnau; Mơya cau chài rgơi sền sơwì ală cơnđòa he dê.

I Ală Bơtau 22:37

Bơtau chơt la behơ̆; mơ cau cèng ƀồc bơtau rê hơ Samari, mơ tơp tềng hơ̆.

I Ală Bơtau 22:27

mơ đơs tĕ lah: ‘Bơtau đơs be do: Ơn tĕ cau do tòm hìu jàm, ròng siam mơ phan sa tă pơndut gam dô êt jơl tus añ rê wơl lơngap lơngai.’”

I Ală Bơtau 22:6

Gen bơtau Israel pơjum tơrgòm jơh ală cau gơnoar hwơr, pơgap poan rhiang nă, mơ lùp bol khai lah: “Añ pal lòt tòmlơh mơ Ramôt tòm Galaat hala ò?” Bol khai ho lah: “Lòt tĕ; bơh Yàng Jehôwa rơp jào gơtòm tê bơtau.”

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

I Ală Bơtau 22:12

Mơ jơh ală cau gơnoar hwơr gen đơs ndròm bal behơ̆, mơ đơs lah: “Guh tĕ hơ Ramôt tòm Galaat mơ geh pha; Yàng Jehôwa rơp jào gơtòm tê bơtau.”

I Ală Bơtau 22:15

Tòm tŭ khai neh tus hơ bơtau, gen bơtau lùp lah: “Ơ Mice, bol he pal lòt tòmlơh mơ Ramôt tòm Galaat hala ò pal taih?” Mice ho: “Lòt tĕ, bơtau rơp geh pha; Yàng Jehôwa rơp jào gơtòm tê bơtau.”

Jeremi 28:1

Kung tòm nam hơ̆, tŭ Jedekia, bơtau Juda, rơp sơntòm at bồ, kơnhai pram bơh sơnam dơ̆ poan, Hanania, kòn klau Asua, cau gơnoar hwơr ơm tòm Gabaôn, đơs mơ añ tòm hìu Yàng Jehôwa, di đap ală cau gơnoar ơn phan duh khoai mơ jơh làng bol lah: