Ejekiel 11:5 - Sră Goh 2018

⁵ Gen Hwềng Yàng Jehôwa dê mù hơđang añ, mơ Kơnràñ đơs mơ añ lah: “Yàng Jehôwa đơs be do: ‘Ơ hìu Israel, do la ală bơta kơlôi sơnơng bol mê dê, mơya Añ git ală bơta kơlôi sơnơng tòm dơngoh bol mê dê.

Ejekiel 11:5 Referans Kwoze

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Ejekiel 2:2

Tòm tŭ Kơnràñ đơs gen Yàng Hwềng mut tòm añ, yò añ ñă ntào, mơ añ kơno Kơnràñ đơs mơ añ.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Ejekiel 28:2

“Ơ kòn mơnus, đơs tĕ mơ cau at bồ Tirơ lah: Jehôwa Yàng Tom Trồ đơs be do: ‘Tài bơh nùs mê pơnhừ să gen mê neh đơs lah: “Añ la dô nă yàng; Añ nggui hơđang sơbàn ală yàng dê ơm tòm plai nùs dàlềng.” Mơya mê la dô nă kòn mơnus, ò di la dô nă yàng, bulah mê pơndròm dơngoh kơlôi mê mơ dơngoh kơlôi dô nă yàng dê.

Ejekiel 8:1

Nam dơ̆ prau, ngai pram kơnhai prau, tòm tŭ añ ơm nggui tòm hìu añ jê, mơ ală cau kwang kra Juda dê ơm nggui di đap añ, gen tê Jehôwa Yàng Tom Trồ dê tus hơđang añ.

Ejekiel 3:27

Mơya tòm tŭ Añ đơs mơ mê, Añ rơp pò bơr mê, mơ mê rơp đơs mơ bol khai: ‘Do la jơnau đơs Jehôwa Yàng Tom Trồ dê: Cau lơi kòñ iat gen lòi khai iat; cau lơi ò bài iat gen lòi khai ò bài; bơh bol khai la dô nơm hìu tòmdră.’”

Ejekiel 3:24

Gen Yàng Hwềng mut tòm añ, yò añ ñă ntào. Kơnràñ đơs mơ añ mơ sồr lah: “Lòt tĕ mơ krơ̆ tĕ să mê tòm hìu mê dê.

Ejekiel 3:11

Tŭ do lòt tĕ tus hơ ală cau làng bol mê dê neh kong kup cèng pơrdô mơ đơs mơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’ Bulah bol khai iat hala ò iat.”

Ejekiel 2:7

Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Đơs Crih 50:21

Hơ̆ la ală bơta mê neh lơh, ai Añ ơm mŏ mŏ, Mê tồnlah Añ la dô nă cau be să tòm mê lơm. Mơya tŭ do Añ lah pơrhơng mê, mơ ơn ală bơta hơ̆ di đap mat mê.

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Samuel 10:10

Tòm tŭ bol khai tus hơ Gibea, dô mpồl cau gơnoar hwơr tìp khai; Hwềng Yàng Tom Trồ dê mù hơđang khai, mơ khai mut bal tòm mpồl hơ̆ đơs hwơr mơ bol khai.

I Samuel 10:6

Gen Hwềng Yàng Jehôwa dê rơp mù hơđang mê, mơ mê rơp đơs hwơr bal mơ bol khai; mơ mê rơp geh tòmgơl gơlik gơs dô nă cau ndai.

Jakơ 3:6

Lơmpiat kung be ồs. Lơmpiat la be dô nơm dunnia tồi glài iơh bơsak ơm digùl ală pơnah tòm să jan he, lơh ƀơ̆ ƀơl jơh să jan, chu pơrguc jơh rài kis cau, ai gơ gen neh kong ồs brah tìng chu pơrguc sơl.

Broă 11:15

Tòm tŭ añ sơntòm đơs, gen Yàng Hwềng Goh mù hơđang bol hơ̆, kung be neh mù hơđang bol he bơh sơnròp sơl.

Broă 10:44

Tòm tŭ Pier gam đơs ală jơnau do gen Yàng Hwềng Goh mù hơđang tơl nă cau ơm iat jơnau Yàng.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Jơnau Niam Jat Mak 2:8

Tòm hwềng nùs Yàng Jesu git bol khai bơyai bal behơ̆, gen đơs mo lah: “Ñchi bơh tài bol mê kơlôi is tòm nùs behơ̆ taih?

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Ejekiel 20:32

Gơs bơta lơi bol mê kơlôi tòm dơngoh rơp ò gơlik gơs, bol mê đơs lah: “Lòi bol hi gơlik ndròm be ală lơgar mơ ală làng bol tòm dunnia duh khoai chi mơ lŭ.”’