Ejekiel 11:12 - Sră Goh 2018

¹² Gen bol mê rơp git Añ la Yàng Jehôwa, bơh bol mê neh ò lơh jat ală bơta sồr lam hala prap gàr ală bơta sồr lam Añ jê; mơya bol mê neh lơh jat ală sơnoa rnoas ală lơgar ơm gùt dar bol mê.’”

Ejekiel 11:12 Referans Kwoze

Ejekiel 8:10

Behơ̆ añ mut mơ sền gŏ làm hơđang ală dơrñang gơs tơl ală rùp jơh ală phan wìn sròng mơ phan poan jơng cù kìr bal mơ tơl jơh ală rùp ràk hìu Israel dê.

Ejekiel 8:16

Tơnơ̆ mơ hơ̆, Kơnràñ cèng añ mut tòm rơng đah dơlam hìu Yàng Jehôwa dê; mơ tềng hơ̆, di di gùng mut tòm hìu duh khoai Yàng Jehôwa, digùl mpồng rơng mơ cơnòng duh khoai, añ gŏ gơs pơgap bàr jơt pram nă cau klau. Bol khai wèt ngkòi hơ đah hìu duh khoai Yàng Jehôwa mơ wèt mat hơ đah mattơngai lik, bol khai cùn khoai mattơngai đah mattơngai lik.

Ejekiel 8:14

Gen Kơnràñ cèng añ tus di gùng mut tòm mpồng dờng đah đang hìu Yàng Jehôwa dê mơ añ gŏ ală cau ùr ơm nggui ñìm bơh yàng Tammus.

Daniel 9:10

Bol hi neh ò lơh jat jơnau Jehôwa Yàng Tom Trồ bol hi dê, kung ò prap gàr ală bơta boh lam Kơnràñ dê, mơ Kơnràñ neh ơn di đap bol hi kơnòm di cau duh broă Kơnràñ dê la ală cau gơnoar hwơr.

Ejekiel 20:24

tài bơh bol khai neh ò lơh jat ală bơta sồr lam Añ jê, mơya neh sang lòi ală jơnau sồr Añ jê, mơ neh sền òsơp ală ngai Saƀat Añ jê, mơ mat bol khai neh wèt hơ ală rùp ràk ồng pàng bol khai dê.

Ejekiel 20:21

Mơya ală kòn sau pơrlơ̆ dră mơ Añ; bol khai neh ò lơh jat ală jơnau sồr Añ jê, bol khai neh ò kơrhia prap gàr ală bơta boh lam Añ jê, bơh cau lơi lơh jat gen kòp nă rơp geh kis; mơ bol khai sền òsơp di ală ngai Saƀat Añ jê. Gen Añ kơlôi Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm ƀlàng ngềt ngơt.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Ejekiel 18:9

Khai lơh jat ală jơnau sồr Añ jê mơ dòn song prap gàr bơta sồr lam Añ jê. Cau hơ̆ la cau song ring; di ngan la khai rơp kis, Jehôwa Yàng Tom Trồ đơs behơ̆.

Ejekiel 11:21

Mơya gơwèt mơ ală cau gơs nùs lòt jat ală rùp duh khoai iơh rmơh mơ ală rùp ràk cù kìr bol khai dê, gen Añ rơp tuh wơl ală bơta bol khai neh lơh hơđang bồ bol khai dê,’ Jehôwa Yàng Tom Trồ đơs behơ̆.”

Jeremi 10:2

Yàng Jehôwa đơs be do: “Bañ lơh jat gùng dà ală làng bol bơdìh, Bañ rngòt ală tềl hơđang trồ, Bulah ală làng bol bơdìh pin rngòt ală tềl hơ̆.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Đơs Crih 78:10

Bol khai ò prap gàr bơta ho bal Yàng Tom Trồ dê, Kung ò bài lơh jat bơta boh lam Kơnràñ dê.

Nehemi 9:34

Ală cau bơtau bol hi dê, ală kwang bàng, ală cau gơnoar ơn phan duh khoai, mơ mò pàng bol hi dê ò lơh jat bơta boh lam Kơnràñ dê, kung ò iat ală gơnoar sồr mơ ală bơta bơto tơnggit mơ Kơnràñ neh ai bol khai in.

Ejra 9:7

Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

II Yal Yau 36:14

Jơh ală cau lam bồ ală cau gơnoar ơn phan duh khoai dê mơ làng bol kung gơlik ò dòn song dô bă lin rlau jơh, lơh jat ală bơta òs mòng cù kìr ală làng bol dê mơ lơh ƀơ̆ ƀơl hìu duh khoai Yàng Jehôwa dê mơ Kơnràñ neh ơn is sàng goh tòm Jerusalem.

II Yal Yau 28:3

mơ khai chu ală phan ơn tòm thòng kòn klau Hinôm dê, mơ sang ală kòn klau khai dê tòm ồs, jat ală bơta ngkòr ngkàc be ală lơgar mơ Yàng Jehôwa neh ting bơtrơh bơh di đap làng bol Israel.

II Yal Yau 13:9

Ò di bol mê neh ting bơtrơh ală cau gơnoar ơn phan duh khoai Yàng Jehôwa dê la kòn sau Arôn mơ ală cau Lebi dê, mơ neh bơtào is bol mê in ală cau gơnoar ơn phan duh khoai kung be ală làng bol lơgar ndai ò ơ? Cau lơi lòt tus nàng ơn să khai bal mơ dô nơm kơnrồ dam mơ poh nơm be dam, gen gơlik gơs dô nă cau gơnoar ơn phan duh khoai ală yàng ò di la yàng.

II Ală Bơtau 21:22

Khai sang lòi Jehôwa Yàng Tom Trồ ồng pàng khai dê, mơ ò lòt jat gùng dà Yàng Jehôwa dê.

II Ală Bơtau 21:2

Khai lơh bơta iơh di đap Yàng Jehôwa mơ lòt jat bơta cù kìr ală làng bol mơ Yàng Jehôwa neh bơtrơh tơlik di đap làng bol Israel.

II Ală Bơtau 18:12

tài bơh bol khai ò dòn bơr Jehôwa Yàng Tom Trồ bol khai dê, sang lòi bơta ho pơgon Kơnràñ dê, bol khai ò bài iat mơ ò lơh jat ală bơta mơ Môise, dĭ gơna Yàng Jehôwa neh nting sồr.

II Ală Bơtau 16:3

mơya khai lòt jat gùng ală cau bơtau Israel, tian gơs khai ơn kòn klau khai dê tòm ồs đòm krơh cù kìr ală làng bol mơ Yàng Jehôwa neh bơtrơh bơh di đap làng bol Israel.

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Lebi 18:3

Bol mê ò di lơh be bol khai lơh tòm Ejiptơ la tiah bol mê neh ơm, mơ bol mê ò di pal lơh be bol khai lơh tòm lơgar Kanaan la tiah Añ cèng bol mê tus. Bañ lơh jat bơta bol khai òs lơh.

Ejekiel 18:8

Khai ò ai càn jền nàng sa cồng kơnjơ̆, hala ai cồng oă rlau. Khai ruc tê ò lơh bơta tìs mơ cahrña song digùl cau do mơ cau ne.

II Ală Bơtau 21:9

Mơya bol khai ò bài iat; Manase neh lam bol khai lơh bơta iơh bơsak rlau mơ ală làng bol mơ Yàng Jehôwa neh tơnroh bơh di đap làng bol Israel.

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Ejekiel 5:6

Mơya gơ neh bơtào tòmdră mơ ală bơta boh lam mơ ală bơta sồr lam Añ jê gơlik iơh bơsak rlau mơ ală làng bol mơ ală lơgar gùt dar gơ, neh sang lòi ală bơta boh lam Añ jê mơ ò lơh jat ală bơta sồr lam Añ jê.